طالبلرنینگ ساغلیک وزیرلیگی ناروی کمیته‌سی‌دن افغانستان ساغلیک سیستیمینی قۉللب قۉتلشگه همکارلیک قیلیشینی ایسته‌دی
۸صبح، کابل: طالبلر عامه ساغلیک وزیری، نور جلال جلالی، ناروی کمیته‌سی بیلن اوچره‌شگنی‌ده مملکت ساغلیک سیستمی‌گه همکارلیک قیلیشینی ایسته‌گن.
طالبلرنینگ عامه ساغلیک وزیرلیگی، ۳۱- جوزا، شنبه کونی، بیر خبرنامه ترقه‌تیب جلالی افغانستان اوچون بۉلگن ناروی کمیته‌سی رییسی تاریا واتردال بیلن کابل‌ده اوچره‌شگنینی خبر بېرگن.
خبرنامه اساسیده، بو اوچره‌شووده ایکی تامان طالبلر باشقه‌روی آستیده بۉلگن افغانستان ساغلیک تیزیمینی تقویت قیلیش، تعلیم ونیمه عالی طبی تعلیملر بۉلیمیده‌گی طلبه‌لرگه قوله‌یلیکلر یره‌تیش تۉغریسیده صحبت قیلگنلر.
بو خبرنامه اساسیده، افغانستان اوچون بۉلگن ناروی کمیته‌سی رییسی هم بو تۉغریده همکارلیک قیلیش وعده‌سینی بېرگن.
بو شونده‌ی حالده‌که، ساغلیک سکتوری طالبلر رژیمی سلطه‌سی‌نینگ تۉرت ییلی تۉلیشی بیلن شدتلی ضرر کۉریب و چېت اېل یاردملریگه باغله‌نیب قالگن.
نېچه پیت آلدین طالبلر وزیرلری رییسی‌نینگ اقتصادی اۉرین باسری، عبدالغنی برادر، مملکت تاجرلریدن باشقه سکتورلریانیده ساغلیک سکتوریده هم سرمایه یاتقیزیشلرینی ایسته‌گندی.
