نواز شریف تۉرت ییل سورگوندن کېین پاکستانگه قیتدی
پاکستان سابق باش وزیری ینه بو مملکت مسلیم‌لبیگ حزبی نینگ رهبری نواز شریف تۉرت ییللیک سورگوننی اۉتکزگدن کېین پاکستانگه قیدی.
دان کونده‌لیگی شنبه کونی ۲۱- اکتوبر، شریف نینگ طیاره‌سی پاکستان پایتختی اسلام آباد شهری قۉنالغه‌سیگه قۉگنی حقیده گزارش بېردی.
گزارشده، شریف اسلام آباد قۉنالغه‌سیده قانونی تشریفاتنی بجرگندن سۉنگره لاهورگه بارگنی حقیده یازیلگن.
او لاهورنینگ پاکستان مناریده طرفدارلری حضوریده نطق سزله‌شی کوتیله‌دی.
ایتیش کېره‌ک که نواز شریف ۱۳۹۸- ییل عقرب آییده فسادگه عیبلنگندن کېین دواله‌نیش مقصدیده بو مملکتنی ترک قیلیب چیققن اېدی.
پاکستانده نېچه دوسیه‌سی بارلیگی ایتیلگن شریف مملکتنی ترک قیلیب چیققنیدن بېری قیتیب کېلمه‌گن اېدی.
عین حالده، نیچه وقت آلدین پاکستان نینگ وقتینچه‌لیک باش وزیری انوارالحق کاکر، نوازشریف اوشلب آلینیش قرارینی قانونی تشکیلات (LEAS) آلیشی ممکن دېب اعلان قیلگن اېدی.