اوچا: افغانستانده یېتّی میلیون‌دن آرتیق کیشی انسانپرورلیک یاردملرینی آلدی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرینی موافقلشتیریش اداره‌سی (اوچا) اعلان قیلگن معلوماتگه کۉره، ۲۰۲۶-ییل‌نینگ دستلبکی آلتی آییده افغانستانده تخمیناً ۷،۴ میلیون کیشی کمیده بیر تورده‌گی انسانپرورلیک یاردمینی آلگن.
اوشبو تشکیلات دوشنبه کونی، ۲۶ اسد کونی بېرگن حساباتیده ۴،۶ میلیون کیشی، یعنی جمعی یاردم آلووچیلر‌نینگ ۶۲ فایزی آزیق-آوقت یاردمینی آلگنینی بیلدیرگن.
اوچا اَیتیشیچه، بو رقملر اۉتکیر آزیق-آوقت خوفسیزلیگی معماسی‌نینگ کېنگ کۉلمده‌لیگینی و افغانستاندهگی انسانپرورلیک یاردملریده آزیق-آوقت یاردملری‌نینگ کتّه رۉلینی کۉرسه‌ته‌دی.
میلیونلب کیشیلر هم ییل دوامیده اۉز احتیاجلرینی تأمینلش اوچون تورلی ساحه‌لرده تکراری و بیر وقت‌نینگ اۉزیده عملگه آشیریله‌دیگن یاردملرنی طلب قیله‌دی.
اوشبو تشکیلات قۉشیمچه قیلگنیدېک، ۲۰۲۶-ییل جون آییگچه افغانستاندهگی انسانپرورلیک یاردمی اوچون ۲۹۳ میلیون دالر ینگی مبلغ آلینگن. بو مالیوی احتیاجلر‌نینگ ۱۷ فایزینی تشکیل اېته‌دی و ۲۰۲۵-ییلدن قالگن مبلغلر بیلن تۉلدیریلگن.
شونگه قره‌مه‌ی، ضرور بۉلگن جمعی ۱،۷۱ میلیارد دالر مبلغدن هلی هم ۱،۴۲ میلیارد دالر، یعنی ۸۳ فایزی تأمینلنمه‌گن.
اوچا مالیوی منبعلر چېکلنگنی انسانپرورلیک تشکیلاتلری‌نینگ احتیاجمند انسانلرگه حیاتنی سقلب قالووچی یاردملرنی دوام اېتتیریش امکانیتینی قیینچیلیکلرگه دچار قیلیشی حقیده آگاهلنتیرگن.
