اوچا: پارتله‌مه‌گن اۉق-داریلر قربانلری‌نینگ ۷۸ فایزینی باله‌لر تشکیل اېته‌دی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) افغانستانده پارتله‌مه‌گن اۉق-داریلر عاقبتیده‌گی قربانلر‌نینگ ۷۸ فایزینی باله‌لر تشکیل اېتیشینی معلوم قیلدی.
اوچا چهارشنبه کونی، ۱۵ میزان، باله‌لر آره‌سیده‌گی اوشبو قربانلر سانی ۲۰۲۶-ییل جنوریسیدن اگوستیگچه قید اېتیلگنینی بیلدیردی.
اوشبو تشکیلات افغانستان‌نینگ ۲۰۲۶-ییلگی انسانپرورلیک یاردم دستوری دایره‌سیده پارتله‌مه‌گن اۉق-داریلر خوفیگه قرشی کوره‌شیش اوچون ۱۴،۵ میلیون دالر مبلغ ضرورلیگینی قۉشیمچه قیلدی.
اوچا معلوماتیگه کۉره، حاضرگچه بو مبلغ‌نینگ اتیگی ۴،۳ میلیون دالری تأمینلنگن.
اوچا مالیه‌لشتیریشده‌گی دوام اېته‌یاتگن تنقیصلیک پارتله‌مه‌گن اۉق-داریلر خوفینی کمه‌یتیریش و جبرلنگنلرگه یاردم کۉرسه‌تیشگه قره‌تیلگن انسانپرورلیک فعالیت امکانیتلرینی چېکلشیدن آگاهلنتیردی.
