بیرلشگن ملتلر تشکیلاتی بامیانده ایکّی مینگ کیشی اوچون ایش ا‌ۉرینلری یره‌ته‌دی
۸صبح، بامیان: بیرلشگن ملتلر تشکیلاتی‌نینگ اهالی یشش جایلری دستوری (UN-Habitat) بامیان ولایتیده قریب ایکّی مینگ کیشیگه ایش و درآمد تاپیش امکانیتینی یره‌تیشینی معلوم قیلدی.
اوشبو دستور پنج‌شنبه کونی، ۹-مېزان، افغانستان انسانپرورلیک جمغرمه‌سی یاردمیده بامیانده «محنت عوضیگه پول» لایحه‌سینی عملگه آشیریشینی معلوم قیلگن.
بیرلشگن ملتلر تشکیلاتی‌نینگ اهالی یشش جایلری دستوری قۉشیمچه قیلیشیچه، اوشبو لایحه «فورست» دستوری دایره‌سیده عملگه آشیریله‌دی و اشتراکچیلر بجرگن محنتی عوضیگه کونلیک ایش حقی آله‌دیلر.
مذکور تشکیلات‌نینگ تأکیدلشیچه، اوشبو لایحه‌‌نینگ عملگه آشیریلیشی تیریکچیلیک قیلیش امکانیتلرینی یره‌تیشدن تشقری، بامیانده‌گی محلی جماعه‌لرنی یخشیلش و مستحکملشگه هم یاردم بېره‌دی.
قریب ایکّی مینگ کیشی‌نینگ اوشبو لایحه فعالیتلریده اشتراک اېتیشی و جماعتچیلیککه فایده‌لی ایشلرنی بجریش آرقه‌لی درآمد تاپیشی رېجه‌لشتیریلگن.
