اوچا: قیش یقینلشگنی سری افغانستانگه قَیتگن عایلهلرنینگ احتیاجلری آرتماقده
۸صبح، کابل: بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسی (اوچا) قیش آیلرینینگ یقینلشیشی بیلن افغانستانگه قَیتیب کېلهیاتگن عایلهلرنینگ احتیاجلری آرتیب باریشینی معلوم قیلدی.
اوشبو تشکیلات سهشنبه کونی، ۲۴-سنبله، بېرگن حساباتیده کۉپلب قَیتیب کېلگن عایلهلر یېترلی امکانیتلرسیز و آغیر شرایطلرده افغانستانگه کیریب کېلهیاتگنینی بیلدیرگن.
اوچانینگ اَیتیشیچه، بو عایلهلرنینگ اَیریملری مناسب باشپناهنینگ یېتیشمسلیگی و انسانپرورلیک یاردمدن فایدهلنیش امکانیتینینگ چېکلنگنلیگی بیلن یوزلشماقده.
تشکیلات قیش فصلینینگ باشلنیشی اوشبو عایلهلرنینگ احوالینی ینهده آغیرلشتیریشی و اولرنینگ شاشیلینچ یاردمگه بۉلگن احتیاجینی آشیریشی ممکنلیگینی قۉشیمچه قیلگن.
اوچا انسانپرورلیک یاردملرنی اۉز وقتیده یېتکزیش قَیتیب کېلگن عایلهلرنینگ احوالینی یخشیلش و اولرنینگ معمالرینی کمهیتیریشده ثمرهلی بۉلیشی ممکنلیگینی تأکیدلهگن.
