مایمیدهگی ۲۰ اۉرینلی شفاخانه سکّیز ییل اۉتگنیگه قرهمهی، هنوز فعالیت یوریتمهیپتی
۸صبح، بدخشان: محلی منبعلرنینگ اَیتیشیچه، بدخشان ولایتینینگ مایمی اولسواللیگیدهگی ۲۰ اۉرینلی شفاخانه قوریلگنیگه سکّیز ییلدن آرتیق وقت اۉتگنیگه قرهمهی، هنوزگچه فعالیت باشلهمهگن و اولسواللیک اهالیسیگه طبی خدمت کۉرسهتمهیپتی.
منبعلر سهشنبه کونی، ۲۴-سنبله، ۸صبح گزېتهسیگه بېرگن صحبتیده اوشبو شفاخانه جامرچ علیا قیشلاغیده جایلشگنینی و حدود اهالیسی طبی خدمتلرگه جوده کتّه احتیاج سېزهیاتگنیگه قرهمهی، هنوز فایدهلنیلمهیاتگنینی اَیتیشدی.
منبعلرگه کۉره، مایمی اولسواللیگی اهالیسی طبی خدمتلردن فایدهلنیش اوچون کتّه خرجت عوضیگه اوزاق و مشقتلی یۉل باسیب، دوالنیش مقصدیده فیضآبادگه باریشگه مجبور.
منبعلر قۉشیمچه قیلیشیچه، اوشبو شفاخانهنینگ فعالیت باشلشی حدود اهالیسی دوچ کېلهیاتگن طبی معمالرنینگ بیر قِسمینی کمهیتیریشی همده یۉل و دوالنیش اوچون کېتهدیگن کتّه خرجتلرنینگ آلدینی آلیشی ممکن.
اولرنینگ اَیتیشیچه، اوشبو مرکزده طبی خدمتلرنینگ یۉلگه قۉییلیشی، اینیقسه، عیاللر و بالهلر اوچون، آنهلر و چقهلاقلر اۉلیمی خوفینی کمهیتیریشده هم ثمرهلی بۉلیشی ممکن.
منبعلر، شونینگدېک، محلی اهالی شفاخانهنینگ حالتینی کوزهتیب باریش اوچون بیر نېچه بار مسووللر حضوریگه مراجعت قیلگنینی، بیراق اولرنینگ طلبلریگه اعتبار قرهتیلمهگنینی اَیتیشماقده.
