بیرلشگن ملتلر تشکیلاتی: سپورتده عیاللر حرمتگه لایق دیر
۸صبح، کابل: افغانستانده طالبان قَیته حاکمیتنی اېگهللهگنیدن سۉنگ عیاللر و قیزلر سپورت فعالیتلریدن محروم قیلینگن بیر پیتده، بیرلشگن ملتلر تشکیلاتینینگ عیاللر بۉلیمی سپورت فعالیتینینگ مهملیگینی تاکیدلب، عیاللر سپورتده حرمتگه لایق اېکنینی اَیتماقده.
اوشبو تشکیلات سهشنبه کونی، ۲۴-سنبله ایکس صحیفهسیده، اگر سپورتدهگی عیاللر حقیده گپیریلهدیگن بۉلسه، اولرنینگ کۉنیکمهلری، تجربهسی، یېتکچیلیگی و اۉیینلری حقیده گپیریش کېرهکلیگینی یازگن.
بیرلشگن ملتلر تشکیلاتینینگ عیاللر بۉلیمی تېنگ اۉیین دېگنی عیاللر سپورتده اۉیینلری و قابلیتلری اوچون قدرلنیشینی انگلهتیشینی، بو اۉیین میدانیده هم بیردېک بۉلیشی کېرهکلیگینی اَیتگن.
بو بیاناتلر بیرلشگن ملتلر تشکیلاتینینگ افغانستان انسان حقوقلری بۉییچه مخصوص گزارشگری ریچارد بنت اوّلراق طالبان سۉنگگی بېش ییل دوامیده عیاللر و قیزلرنی سپورت فعالیتلریده اشتراک اېتیشدن منع قیلگنینی اَیتگن بیر پیتده ینگرهماقده.
بیرلشگن ملتلر تشکیلاتینینگ افغانستان انسان حقوقلری بۉییچه مخصوص گزارشگری طالباننینگ عیاللر و قیزلرگه قرشی چېکلاولری اولرنینگ حیاتینینگ تورلی جبههلریگه تأثیر کۉرسهتگنینی قۉشیمچه قیلگن.
