بیرلشگن ملتلر تشکیلاتی افغانستانگه قَیتگن عیاللرنی اقتصادی جهتدن قۉللب-قوّتلش باره‌سیده‌گی سعی-حرکتلر حقیده معلومات بېردی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) افغانستاندهگی وکالت‌خانه‌سی معلوم قیلیشیچه، اوشبو تشکیلات یاردمیده ایراندن قَیتگن عیاللر اوچون بیزنس تشکیل اېتیش و اونی کېنگه‌یتیریش امکانیتلری یره‌تیلگن. بو آرقه‌لی اولر درآمد تاپیش و ینگی ایش ا‌ۉرینلرینی یره‌تیش امکانیگه اېگه بۉلماقده.
اوشبو تشکیلات یک‌شنبه کونی، ۳ عقرب، خبر بېریشیچه، قندوز ولایتیده‌گی تدبیرکار عیاللر مالیوی یاردم، اسکونه‌لر، شونینگدېک، بیزنس یوریتیش و مارکېتینگ بۉییچه ترې‌نینگلر آلگنیدن سۉنگ اۉز اقتصادی فعالیتلرینی کېنگه‌یتیرگنلر.
حساباتگه کۉره، قندوزده‌گی سوت محصولاتلری ایشلب چیقرووچی کارخانه‌لردن بیری حاضرده کونیگه ۴۰۰–۵۰۰ کیلوگرام قتیق ایشلب چیقرماقده و ۱۲ کیشینی، جمله‌دن، ایراندن قَیتگن یېتّی نفر مهاجرنی ایش بیلن تأمینله‌گن.
اوشبو یاردملر جاپان مالیه‌لشتیرگن و بیرلشگن ملتلر تشکیلاتی‌نینگ ترقیات دستوری تامانیدن آغا خان جمغرمه‌سی همکارلیگیده عملگه آشیریله‌یاتگن لایحه دایره‌سیده تقدیم اېتیلگن.
بو حالت افغانستانده طالبان قَیته حاکمیتنی اېگه‌لله‌گنیدن کېینگی سۉنگگی بېش ییل دوامیده عیاللر ایش و اقتصادی فعالیت ساحه‌لریده کېنگ کۉلملی چېکلاولرگه دوچ کېلیب، اولر‌نینگ ایش بیلن تأمینلنیش امکانیتلری کېسکین چېکلنگن بیر پیتده یوز بېرماقده.
