پاکستان پولیسی: منظور پشتین آتیشمه جریانیده اوشلب آلیندی
پاکستان خوفسیزلیک کوچلری، پشتونلر حرکتی رهبری منظور پشتین اولر بیلن قوراللی توقنشگندن کېین اوشلب آلینگنینی اعلان قیلدی.
اکسپرس تربیون نینگ گزارش قیلیشیچه، کمیسارلیک اۉرین باسری راجا اطهر عباس ۴ دسامبر دوشنبه کونی پشتین خوفسیزلیک کوچلری آرقلی چمن‌ده اوشلب آلیندی؛ چونکه قوراللی کوچلر اونینگ موتریدن توریب پولیس موتریگه قرشی اۉق اوزگنلر.
آتیشمه‌دن کېین، انتظام همده پولیس کوچلری تیزده حادثه یېریگه یېتیب کېلگنلر و پشتیننی چمن نینگ گودامو منطقه‌سیده اوشلب آلگنلر دېب کۉپه‌یتیردی.
باشقه بیر تاماندن، بلوچستان اطلاعات وزیری جان اچکزی، پشتین دولت نینگ تصدیقی سیز چمن تحصنیده نطق سۉزلب پشتونلر حرکتینی دولتگه قرشی بیر تشکیلات دېب اېسله‌گن دېدی.
اونینگ سۉزلریگه کۉره، پشتین جنابلری تن قۉریقچیلری نینگ اۉق اوزیشی نتیجه‌سیده تۉرت کیشی یره‌لنگن.
اۉتگن ییل پشتون حرکتی رهبری اسما جهانگری کنفرانسیده حربیلرگه قرشی نطقی آرتیدن پنجاب پولیسی تامانیدن خیانت و تروریزمده عیبلنگن اېدی.
بو واقعه پشتون حرکتی نینگ عاموی اخبارات واسطه‌لری بۉلیمی پاکستان خوفسیزلیک کوچلری جناب پشتین نینگ موترلری کاروانیگه اۉق اوزه یاتگنی حقیده خبر بېرگندن سۉنگ یوز بېردی.