پنتاگون: امریکا یقین شرق‌قه قۉشیمچه هوا مدافعه تیزیملرینی یوبارماقده
منطقه‌ده‌گی امریکا کوچلریگه یقینده اویوشتیریلگن هجوملرگه جوابن پنتاگون امریکا قۉشمه ایالتلری یقین شرق‌قه یوقاری بلندلیکده‌گی هوا مدافعه تیزیمی (THAAD) و قۉشیمچه پاتریوت هوا مدافعه راکت تیزیمی یوباره‌یاتگنینی اعلان قیلدی.
رویترزنینگ گزارش بېریشیچه، امریکا مدافعه وزیری لوید آستین ۲۱-اکتوبر، شنبه کونی قیلگن بیاناتیده بو قرار ایران و اونینگ یقین شرقده‌گی نیابتی کوچلری اۉرته‌سیده‌گی سۉنگی ترنگلیک آرتیدن قبول قیلینگنینی ایتدی.
لوید آستین: «جمهور رییس جوبایدن بیلن اېران و اونینگ ایشانچلی وکیللری تامانیدن یقین شرق منطقه‌سیده سۉنگی پیتلرده کېسکینلیک اوج آلگنی بۉییچه به تفصیل محاکمه‌لردن سۉنگ، بوگون مدافعه وزیرلیگی نینگ منطقه‌ده‌گی حربی مرکزلرنی ینه‌ده مستحکملش اوچون بیر قطار قۉشیمچه چاره-تدبیرلرنی قبول قیلدیم» دېدی. اونینگ سۉزلریگه کۉره، قۉشیمچه قۉشینلرنی جایلشتیریشگه تیارگرلیک کۉریش بویروغی بجریلماقده، بیراق اولر نینگ سانی ایتیلمه‌گن.
پنتاگون، احتیاج سیزیلگن تقدیرده، منطقه‌ده ایکّی یوزمینگگه یقین عسکر جایلشتیریلیشی مقصدیده حاضرلیک کۉرگن.
آستین قۉشیمچه قیلدی: «اوشبو قدملر منطقوی جلولش سعی-حرکتلرینی کوچه‌یتیره‌دی، منطقه‌ده‌گی امریکاق قۉشمه ایالتلری کوچلری نینگ کوچ حمایه‌سینی آشیره‌دی و اسراییلنی حمایه قیلیشگه یاردم بېره‌دی.»
امریکا قۉشمه ایالتلری سۉنگی هفته‌لرده یقین شرق‌قه کتّه مقدارده‌گی دېنگیز حربی کوچلرینی، جمله‌دن ایکّیته اوچاق تشووچیسی، اولرگه یاردم بېره‌دیگن کېمه‌لر و ایکّی مینگ‌گه یقین دېنگیز پیاده‌لرینی یوباردی.
اسراییل- حماس اوروشی پیتیده منطقوی ترنگلیک کوچه‌ییب باره‌یاتگن بیر چاغده وا‌شینگتن ایران تامانیدن قۉللب-قوّتلنگن گروهلر فعالیتیگه شَی حالتده.
جایلشتیریش بایدن مأموریتی ایران بیلن کېسکینلیکنی یومشه‌تیش اوچون یقین شرقدن هوا مدافعه تیزیملرینی آلیب چیقیب کېتگنیدن ایکّی ییل اۉتیب عملگه آشیریلدی.
غزه‌ده اسراییل و حماس جنگریلری اۉرته‌سیده ماجرا باشلنگنیدن بېری عراق و سوریه‌ده امریکا کوچلریگه قرشی هجوملر کوچه‌یگن.
اۉتگن هفته امریکا حربی کېمه‌سی یمن‌ده ایران تامانیدن قۉللب-قوّتلنگن حوثیلر تامانیدن آتیلگن اۉندن آرتیق اوچووچی‌سیز اوچاق و تۉرتته قناتلی راکت‌نی اوریب توشیردی.