ایچکی آواره‌لرنی کابل کمپلریدن چیقاریش احتمالی؛ بیرلشگن ملتلر تشکیلاتی: بیر قنچه خاتینلر جنسی خوفگه روپه ره بۉله‌دی
8صبح، کابل: قاچقینلر بۉییچه بیرلشگن ملتلر تشکیلاتی نینگ عالی کمیشنرلیگی و بو تشکیلات نینگ عیاللر بۉلیمی قۉشمه بیر گزارش نشر قیلیب، آواره‌لر کابلده‌گی کمپلردن چیقاریلیش احتمالی حقیده خواطر بیلدیرگن.
بو گزارش ۲- عقرب سه‌شنبه کونی، طالبلرنینگ بو چاره تدبیری عیاله نینگ سرپرستی بۉلمیش خاتینلرنی جنسیتی خوف دوچار قیلیشی ممکن دېیلگن.
اوشبو ایکّی نهادنینگ تاکیدله‌شیچه، کمپلردن چیقاریش سرپرست عایله‌لرنی محافظت قیله‌دیگن اجتماعی ساختارلرنی اۉرته‌دن ایلته‌دی اولرنی کۉپراق «جنسیتگه یۉنلتیریلگن خوف و باله‌لرنی اېرته تورموشگه چیقاریش»گه مجبور قیله‌دی.
بیرلشگن ملتلر تشکیلاتی نینگ کۉپه‌یتیریشیچه، خاتینلر آرقلی سرپرست اېتیله دېگن عایله‌لر ارکک همکسبلریگه قره‌گنده ایشانچ سیز بیر اقتصادی بیر موقعیت‌ده‌لر.
اوشبو ایکّی اداره نینگ تېکشیرووی اساسیده، کۉپینچه عایله‌لرنینگ درآمدی بېش مینگ افغانیدن آز دیر خاتینلر آرقلی سرپرستلیک بۉله‌دیگن خانه‌دانلر کۉپراق زیانگه روپه ره‌لر.
بیرلشگن ملتلر تشکیلاتی، عایله‌لرنی سرپرستلیک قیله دېگن خاتینلرنینگ 40فایزی درآمدی بیر مینگ افغانیدن کم دېب معلوم قیلگن.
خاتین – قیزلرگه نسبتن بازارلرده یره تیلگن چېکلاولرگه اشاره قیلگن اوشبو گزارش، عایله‌نی سرپرستلیک قیله دېگن خاتینلر معماسینی آشیره‌دی، ایشگه جایز بۉلگن خاتینلر ایریم بۉلیملرده یۉقلر و یره‌تیلگن چېکلاولر خاتین – قیزلرنی کۉپراق اقتصادی فرصتلرگه اېریشمسلیککه باعث بۉلگن دېگن.
«چیقاریش |کمپلردن| عیاللر معلومات آلیش اوچون تیه‌نه‌دیگن نا رسمی ترماقلر و اجتماعی توزیلمه‌لرنی بوزه‌دی» دېیله‌دی اوشبو حساباتده. عیال سرپرست انسان پرورلیک یاردملرنی آلیش قیینچیلیکلریگه دوچ کېلیشی ممکن‌لیگینی انگلته‌دی.
طالبلر ایچکی کوچیریلگن آدملرنینگ برچه کمپلرنی یۉق قیلیشنی و اولرنی اصل جایلریگه قیتریشنی رېجه‌لشتیره یاتگن بیر پیتده بو خواطرلر بیلدیریماقده.
آلدینراق کابل شهردارلیگی شهر ناحیه‌سیده‌گی یېریک کمپلردن بیرینی بوزیب تشله‌دی و آواره‌لرنی او یېردن چیقاریب یوباردی.
بیرلشگن ملتلر تشکیلاتی نینگ حساباتیده اوشبو کمپلرده بیرمینگ 500دن ایکّی مینگگچه عایله توره‌دیلر.