قمی: داعش نینگ افغانستانده کمبغل‌لیکدن فایده‌لنیب عسکر آلیش زمینه‌سی یره‌تیلیشی ممکن
۸صبح، کابل: داعش منطقه ده هجوم‌لرینی آشیریش گه دایر خواطرلر دوام اېتر اېکن، ایران نینگ کابل ده ایلچیسی و مخصوص وکیلی حسن کاظمی قمی، اوشبو گروه نینگ افغانستانده کمبغل‌لیکدن فایده‌لنیب عسکر آلیش زمینه‌سی یره‌تیلیشیدن آگاه‌لنتیرگن.
ایران یېتکرمه‌لری نینگ معلوماتی اساسیده قمی بو بیانات نی ۱۱ حمل، شنبه کونی کابلده بیلیم یورت‌لر استادلری بیلن اۉتکزگن ییغیلیشده بیان قیلگن.
اونینگ کوپه‌یتیریشیچه: «افغانستانده اقتصادی احوال یامان بولسه، ایران گه مهاجرلر سانی آشیب و داعش عسکر آلیش اوچون کمبغل‌لیکدن قوللنه‌دی. بونی نه ایران و نه طالبان اېسته‌دیلر، شونی اوچون ایکّی مملکت همکار بولیب و مناسبت‌لری کوچه‌یشنی اېسته‌یدی.»
ایران نینگ کابل ده ایلچیسی و مخصوص وکیلی گه کوره، تهران طالبان نی استراتیژیک همکاری اوله‌راق اۉزگرتیریش گه تلاش قیلماقده دیر.
اونینگ ایتیشیچه: «ایران و طالبان مناسبتی بوزیلیشی اوچون تلاش‌لر، امریکا نینگ ریجه‌لری دیر.»
مسکو یقینیده بیر کنسرت ده خراسان داعش بولیمی نینگ قانلی هجومی، دنیا ده جدی خواطرلر گه سبب بولگن.
فایننشال تایمز گزارشیده ایتیشیچه، افغانستانده القاعده و داعش قیتیشی پیش‌بینلیک بولگن اېدی و بو ایکّی گروه قدیمی قرارگاه‌لریده ینگی قرارگاه قورگنلر.
اولر ارا آسترالیا استراتیزیک تدقیقات‌لری انستیتوتی گه کوره، روسیه ده داعش نینگ هجومی طالبان نینگ داعش نی یوق اېتیش ادعالرینی اساس‌سیز اثباتله‌گن.
شونینگدیک امریکا ده سناتورلردن بیرقطاری و بیر قطار قۉشنی مملکتلر عملدارلری افغانستانده طالبان حاکمیتیده ترورچی گروه‌لر کوچه‌یشیدن خواطر بیلدیریشگن.
بیراق طالبان هردایم داعش گروهی یوق اېتیلگنینی ادعا قیلیب و افغانستان توپراغی منطقه اېنیقسه قۉشنی مملکتلر اوچون تهدید اېمسلیگیدن ایشانچ بیرگنلر.
