رحمانی: امریکا آرقلی قوییلگن عیبلاولر خلق ارا اصوللرگه قرشی دیر
۸صبح، کابل: افغانستان نماینده‌لر مجلسی نینگ سابق باشلیغی میررحمان رحمانی امریکا قۉشمه ایالتلری مالیه وزیرلیگی آرقلی اۉزی و اجمل رحمانی تحریم اېتیلگنیگه عکس‌العمل کۉرسه‌تیب، بو مملکت تامانیدن قۉییلگن «عیبلاولر» خلق ارا اصوللرگه قرشی دیر دېب ایتگن.
رحمانی۲۱- قوس سه‌شنبه فیس بوک صحیفه‌سیگه بیر اعلامیه نشر قیلیب، امریکا تامانیدن قۉییلگن «عیبلاولر» خلق ارا اصوللر همده بیرلشگن ملتلر تشکیلاتیگه اعضا دولتلر اۉرته‌سیده کېلیشیلگن کنوانسیونلرگه قرشی دېب معلوم قیلگن.
اونینگ بیلدیریشیچه، بونده‌ی گزارشلرنی نشر قیلیش، نشر قیلووچی تشکیلات نینگ ایشانچیگه فتور یېتکزه‌دی.
اونینگ ایتیشیچه، بونده‌ی گزارشلرنی نشر قیلیش امریکا قۉشمه ایالتلریگه نسبتن دنیا مملکتلری نینگ ایشانچ‌سیزلیگیگه سبب بۉله‌دی.
رحمانی نینگ قۉشیمچه قیلیشیچه: «عیبلاولر قۉییلگن برچه شرطنامه‌لرنینگ مالی گزارشی موجود، حجتلر بونی کېسیکین رد اېته‌دی بو گزارشلر ایستلگن پیتده تېگیشلی اداره‌لر رسمیلری حضوریگه تقدیم قیلینه‌دی.»
شونینگدېک، امریکا مالیه وزیرلیگی تیناوون بیر گزارش نشر قیلیب، میررحمان رحمانی همده اجمل رحمانینی فراملی فسادلرده کېنگ رولی بارلیگی اوچون تحریم قیلدی.
وزیرلیک قانونگه کۉره، خلق ارا انسان حقوقلری و بوتون دنیا بۉیلب انسان حقوقلری نینگ جدّی سواستعمال قیلینیشی و فسادگه عیبدارلر اوچون جوابگرلیکنی کۉزده سقلشینی بیلدیرگن.
