روزا اوتونبایوا: افغانستانلیکلرنینگ یرمینی اساسی حقلری آیاغ آستی قیلینگن
۸صبح، کابل: بیرلشگن ملتلر تشکیلاتی باش کاتبی نینگ افغانستان اوچون مخصوص نماینده‌سی رزا اوتونبایوا، مملکت‌ده طالبلر تامانیدن خاتین – قیزلرگه قۉییلگن موجود چېکلاولر دوامیدن خواطر بیلدیریب، افغانستان جمعیتی یرمی نینگ اساسی حقلری آیاغ آستی بۉلگن دېب ایتگن.
خانم اوتونبایوا بو قبیل سۉزلرنی بوگون۱۸ عقرب پنج‌شنبه «اسلام ده عیال» عنوانی آستیده اسلامی همکارلیکلر تشکیلاتی تامانیدن سعودیه عربستانی نینگ جده شهریده اۉتکزیلگن ییغیلیشده تیلگه آلگن.
بیرلشگن ملتلر تشکیلاتی نینگ نماینده‌سی افغانستانلیک خاتین – قیزلر بیلن اۉتکزگن اوچره‌شوولریده اولرنینگ ۴۶فایزی طالبلرنینگ رسمیتگه تانیلیشیگه قرشیلیک کۉرستگنلر دېب ادعا قیلگن.
اونینگ سۉزلریگه کۉره، افغانستانلیک ۵۰فایز خاتین – قیزلر طالب رژیمی رسمیتگه تانیلیشی اوچون عیاللرنینگ حقوقی رعایت قیلینیشی اساسی شرط دېگنلر.
او، اوشبو ییغینده افغانستان بحرانی حلی اوچون خلق ارا اجماع اۉتکزیلیشینی سۉره‌گن.
افغانستان‌ده طالبان رژیمی حاکمیتگه کېلگندن سۉنگ مملکت نینگ خاتین قیزلری کېسکین چېکلاولرگه روپه ره بۉلدیلر، بو مدت ایچیده خلق ارا تشکیلاتلر همده بیرلشگن ملتلر تشکیلاتی موجود چېکلاولر کۉتریلیشینی سۉره‌شیگه قره‌مه‌ی؛ لېکن طالبلر هنوزگچه بو ایستک باره‌سیده ایجابی جواب قیترمه‌گن.