بلخ نینگ مشهور شاعری و یازووچیسی صالح محمد خلیق ترافیک حادثه‌سیده وفات اېتدی
۸ صبح، کابل:بلخ‌ده‌گی محلی منبعلر معلوم قیلیشیچه، مزار شریف شهریده یوز بېرگن یۉل-ترانسپورت حادثه‌سی نتیجه‌سیده بلخ نینگ تنیقلی شاعری و یازووچیسی صالح محمد خللیق حیاتدن کۉز یومدی.
منبعلر سه‌شنبه کونی، اسد آیی نینگ ۷نچیسیده، خلیق نینگ ترافیک حادثه‌سیده وفات اېتگنینی تصدیقله‌دی، بیراق حادثه نینگ تفصیلاتلری حاضرچه نامعلوم.
معلوماتلرگه کۉره، جناب خلیقنی موتر اوریب یوبارگن، او بیرینچی آغیر جراحت آلگن و کېینچه‌لیک شفاخانه‌ده حیاتدن کۉز یومگن.
شو بیلن بیرگه، بیر قطار مدنیت اربابلری و یازووچیلر اونینگ اۉلیمینی افغانستان ادبیاتی اوچون قاپلنمس یۉقاتیش دېب بهالشماقده.
شاعر و یازووچی سمیع حامر اۉزی نینگ فیسبوک صحیفه‌سیده خلیق نینگ اۉلیمی حقیده‌گی خبرنی اولشیب، “ام البلاد ماتمده» دېب یازگن.
خللیق فقط‌گینه شاعر و یازووچی بۉلیب قالمه‌ی، بلکه ولایتی نینگ اخبارات و مدنیت اداره سی نینگ رییسی، بلخ یازووچیلر اویوشمه‌سی رئیسی، بیر قنچه گزېته و ژوناللر نینگ باش محرری کبی تورلی مدنی لوازملرده هم فعالیت یوریتگن.
معلوم قیلینیشیچه، او ۲۱ ته شعری تۉپلم، ۲۰ ته علمی و نثری اثر، همده اۉنلب ادبی مقاله و یازوولرنی اۉزیدن میراث قالدیرگن.
