ایران‌ده ترافیکی حادثهده تۉقیز کیشی افغانستالیک مهاجر وفات اېتدی
۸صبح، کابل: ایران نینگ سیستان و بلوچستان ولایتیده یوز بېرگن ترافیکی حادثه‌سی عاقبتیده تۉقیزکیشی افغانستانلیک مهاجر هلاک بۉلیب، ینه یېتی کیشی جراحتلندی.
ایران عامه‌وی اخبارات واسطه‌لری، ۲۷- عقرب، سه‌شنبه کونی، خبر بېریشیچه، حادثه افغانستانلیک مهاجرلرینی تشیاتگن ۴۰۵ توریده‌گی مو‌تر چپگه یۉل بېریش قاعده‌سینی بوزگنلیگی سببلی باشقه بیر مو‌تر بیلن تۉقنه‌شوو نتیجه‌سیده صادر بۉلگن.
خبرلرگه کۉره، مهاجرلر سراوان‌دن خاش تامان کېته‌یاتگن اېدی.
جراحت آلگنلر خاش شهریده‌گی شفاخانه‌گه یېتکزیلگن و بعضی جراحت آلگنلر نینگ احوالی آغیر اېکنی خبر قیلینگن.
افغانستانده ایشسیزلیک و اقتصادی قیینچیلیکلر کوچه‌یگنی سبب، کۉپلب فقرالر ایش تاپیش مقصدیده ناقانونی روشده ایران تامان یۉل آلیشه‌دی، و بو یۉل وقتی-وقتی بیلن هلاکتلی حادثه‌لر بیلن یکون تاپه‌دی.
انسان حقوقلری تشکیلاتی حال‌وش، ایکی کون الدین، ایران چېگره خدمتچیلری اۉق آتیشی نتیجه‌سیده ییتی کیشی افغان فقراسی هلاک بۉلگن و ینه بیر قنچه شخص جراحتلنگن دېب، خبر بېرگن اېدی.
