بدخشانده ترافیکی حادثه‌سی عاقبتیده یېتی کیشی هلاک بۉلدی
۸صبح، کابل: بدخشان ولایتیده‌گی محلی طالبان نماینده‌لری خبر بېریشیچه، اوشبو ولایتده صادر بۉلگن ترافیکی حادثه‌سیده، یېتی کیشی هلاک بۉلیب و ایکی کیشی جراحت آلگن.
طالبان‌نینگ بدخشان امنیه قوماندالیگی سۉزچیسی، احسان‌الله کامگار، حادثه، ۹- جدی، سه‌شنبه تانگ ساعت ۲ ده، مایمی تومنی «ورفک» حدودیده صادر بۉلگنینی معلوم قیلدی.
کامگار قۉشیمچه قیلگنیچه، «فولدر» توریده‌گی بیر موتر یۉلدن چیقیب کېتگن.
او حادثه‌ده جراحت آلگنلر نینگ ساغلیق حالتینی آغیر دېب بهاله‌دی.
بدخشان نینگ اوزاق حدودلریده‌گی یۉللر نینگ یامانلیگی و هیداوچیلر نینگ احتیاطسیزلیگی وقتی-وقتی بیلن یۉلاوچیلر نینگ هلاک بۉلیشیگه آلیب کېله‌دی.
