فرانسه‌ده نمایشلر؛ کمیده ۱ مینگ ۲۰۰ کیشی حبسگه آلیندی
شنبه کونی بۉلیب اۉتگن عمومی نمایشلر و زۉرآورلیکلردن سۉنگ، کمیده بیر مینگ ۲۰۰ کیشی حبسگه آلیندی.
فرانسه پولیسی یک‌شنبه کونی، ۱۸-اکتوبر، نمایشچیلرنی ترقه‌تیب یوباریش اوچون کۉزدن یاش آقیزووچی گاز و سوو چاچه‌دیگن مو‌ترلردن فایده‌لنگنینی اعلان قیلدی.
فرانسه رسمیلری‌نینگ اَیتیشیچه، پولیس خادملریگه هجوم قیلیش، دوکانلرنی تلش و دولت بنالرینی ویران قیلیش اوشبو نمایشلر دوامیده یوز بېرگن زۉرآورلیک حادثه‌لری جمله‌سیگه کیره‌دی.
فرانسه حکومتی بو واقعه‌لرنی «زۉرآورلیک‌نینگ کوچه‌ییشی» دېب تعریفله‌دی.
خبرلرگه کۉره، مملکت بۉیلب اۉتکزیلگن اوشبو نمایشلرده تخمیناً ۵۵۰ مینگ کیشی اشتراک اېتگن.
نمایشلر تورموش خرجتلری‌نینگ آشیشیگه قرشی ناراضیلیک بیلدیریش و لیسه اۉقووچیلری‌نینگ طلبلرینی قۉللب-قوّتلش مقصدیده اۉتکزیلدی.
پریجده‌گی نمایشلر دوامیده بیر نېچه ته موتر و چیقیندی قوتیلریگه اۉت قۉییلدی، شونینگدېک، بیر قنچه دوکانلر تلندی.
اوشبو نمایشلر آرتیدن پاریس‌ده‌گی بیر قنچه مترو بېکتلری هم پولیس طلبیگه بناءً یاپیلدی.
