منبعلر: پاکستان حربیلری بیلن تۉقنه‌شووده طالبان‌نینگ بیر جنگچیسی جان بېردی
۸صبح، غزنی: غزنیده‌گی محلی منبعلر‌نینگ اَیتیشیچه، پاکستان حربیلری بیلن تۉقنه‌شووده پکتیا ولایتیده جان بېرگن طالبان جنگچیسی‌نینگ جسدی اوشبو ولایتگه آلیب کېلینگن.
منبعلر یک‌شنبه کونی، ۲۶ میزان، ۸صبح گزېته‌سیگه بېرگن صحبتیده اوشبو طالبان جنگچیسی اۉتگن کېچه پکتیا ولایتی‌نینگ زازی‌آریوب تومنیده پاکستان حربیلری بیلن تۉقنه‌شووده جان بېرگنینی تصدیقله‌گن.
منبعلر‌نینگ اَیتیشیچه، اوشبو طالبان جنگچیسی‌نینگ اسمی غوث‌رحمن بۉلیب، او غزنی ولایتی‌نینگ قره‌باغ تومنیده یشاوچیسی دیر.
اونینگ جسدی اوشبو تومن‌نینگ فتح‌خان قیشلاغیده دفن اېتیلگن.
طالبان جنگچیلری و پاکستان چېگره‌چیلری کېچه توشدن کېین پکتیا ولایتی‌نینگ دندپتان و زازی‌آریوب تومنلری چېگره حدودلریده اۉزارا تۉقنه‌شگن.
هر ایکّی تامان قرشی تامانگه تلفات یېتکزگنینی دعوا قیلگن.
شونی تأکیدلش کېره‌ک که بوندن آلدین هم افغانستان و پاکستان‌نینگ چېگره حدودلریده ایکّی تامان اۉرته‌سیده بیر نېچه بار تۉقنه‌شوولر یوز بېرگن و هر ایکّی تامان بیر-بیریگه تلفات یېتکزگنینی معلوم قیلگن.
