منبعلر: قندهارده طالبان تینچ اهالی موتریگه قره‌ته اۉق اوزیب بیر اۉسمیرنی نشانگه آلدی
۸صبح، قندهار: قندهارده‌گی منبعلر‌نینگ اَیتیشیچه، طالبان جنگریلری قندهار شهریده تینچ اهالیگه تېگیشلی موتریگه قره‌ته اۉق اوزیب، اونینگ یۉلاوچیلریدن بیرینی نشانگه آلگن.
منبعلر یک‌شنبه کونی، ۲۶ میزان، ۸صبح گزېته‌سیگه بېرگن صحبتیده اوشبو حادثه بوگون ساعت ۱۰ لر اطرافیده قندهار شهری‌نینگ یېتّینچی ناحیه‌سیگه قره‌شلی پنجوایی تۉرت یۉللیگیده صادر بۉلگنینی اَیتیشگن.
منبعلر‌نینگ سۉزلریگه کۉره، طالبان جنگریلری عادی کییمیده خوفسیزلیک نظارت-اۉتکزیش پوسته‌سیده جایلشگن بۉلیب، اۉشه موترگه قره‌ته اۉق اوزگن و اونینگ یۉلاوچیلریدن بیرینی نشانگه آلگن.
منبعلر‌نینگ قۉشیمچه قیلیشیچه، طالبان اوشبو حادثه‌دن سۉنگ حدودنی قورشه‌ب آلیب، آدملر‌نینگ واقعه جاییگه باریشیگه تۉسقینلیک قیلگن.
منبعلر‌نینگ اَیتیشیچه، اۉق اوزیلگنیدن سۉنگ اوشبو اۉسمیر واقعه جاییده یۉل اوستیگه ییقیلگن.
حاضرچه بو اۉسمیر‌نینگ شخصی و ساغلیغی حالتی حقیده قۉشیمچه معلومات یۉق.
