منبعلر: کابلدهگی خاتم النبیین بیلیم یورتی یاپیلدی
۸صبح، کابل: کابلدهگی منبعلر طالبان خاتمالنبیین بیلیم یورتی یاپگنینی و طلبهلرگه اېندی بو بیلیم یورتیگه مراجعت قیلمسلیکلری، اۉقیشنی دوام اېتتیریش اوچون باشقه بیلیم یورتی تاپیشلری اَیتیلگنینی بیلدیردی.
منبعلر سهشنبه کونی، ۲۴ سانبله، ۸صبح گزېتهسیگه اَیتیشیچه، بو قرار طلبهلر سمسترنینگ ۲۰ فایزلیک امتحانیگه تخمیناً اوچ هفته قالگن بیر پیتده قبول قیلینگن.
منبعلرنینگ اَیتیشیچه، سمستر باشیده اولرگه بو بیلیم یورتی دولت تصرفیگه اۉتکزیلگنی اَیتیلگن اېدی.
منبعلر طبیات یۉنهلیشیده تحصیل آلهیاتگن طلبهلر هم بیلیم یورتینینگ یاپیلیشیدن ضرر کۉرگنینی و اولر همده باشقه یۉنهلیشلرده تحصیل آلهیاتگن طلبهلر اۉقیشنی قَیسی بیلیم یورتیلرده دوام اېتتیریشی ممکنلیگی هلی معلوم اېمسلیگینی اَیتماقده.
منبعلر قۉشیمچه قیلیشیچه، اولرگه بیلیم یورتی «علمی بۉلمهگن و دینی فعالیتلر» دېب اتهلگن فعالیتلر سببلی یاپیلگنی اَیتیلگن.
