بیرلشگن ملتلر تشکیلاتی خوفسیزلیک کېنگشی بوگون افغانستاندهگی وضعیتنی محاکمه قیلیش اوچون ییغیلیش اۉتکزهدی
۸صبح، کابل: بیرلشگن ملتلر تشکیلاتی خوفسیزلیک کېنگشی بوگون افغانستاندهگی سیاسی، انسانپرورلیک، خوفسیزلیک و انسان حقوقلری بیلن باغلیق وضعیتنی کۉریب چیقیش اوچون ییغیلیش اۉتکزهدی.
اوشبو ییغیلیش چارشنبه کونی، ۲۵-سنبله اۉتکزیلهدی. اونده بیرلشگن ملتلر تشکیلاتینینگ افغانستاندهگی یاردم هیاتی (یوناما) باشلیغی و تشکیلاتنینگ افغانستان بۉییچه مخصوص وکیلی رباب فاطمه افغانستاندهگی وضعیت یوزهسیدن اۉزینینگ حساباتینی خوفسیزلیک کېنگشی اعضالریگه تقدیم اېتیشی کوتیلماقده.
افغانستاندهگی سیاسی، خوفسیزلیک و اقتصادی وضعیت، شونینگدېک، انسان حقوقلری، اینیقسه عیاللر و قیزلرنینگ احوالینی کۉریب چیقیش اوشبو ییغیلیشنینگ اساسی موضوعلریدن بۉلهدی.
طالبان ۲۰۲۱-ییل اگوست آییده افغانستانده حاکمیتنی قَیته اېگهللهگنیدن سۉنگ، عیاللر و قیزلرگه، جملهدن، اولرنینگ تعلیم آلیش و ایشلش حقوقلریگه تقیق قۉییش کبی تاباره کوچهییب بارهیاتگن قطعی چېکلاولرنی جاری اېتدی.
