طالبان: قۉشنی دولتلردن مینگدن آرتیق افغان مهاجری قَیتیب کېلدی
۸صبح، کابل: طالبان اۉتگن کون ۲۱۰ عایله، جمعی بیر مینگ و ۱۰ نفر افغان مهاجری قۉشنی دولتلردن مجبوری افغانستانگه قَیتریلگنینی معلوم قیلدی.
طالبان سۉزلاوچیسی حمدالله فطرت، چهارشنبه کونی، ۲۵ سنبله، ترقهتگن بیاناتیده ۸۱ عایله، جمعی ۴۶۸ نفر کیشی ننگرهاردهگی تورخم چېگرهسی آرقهلی مملکتگه قَیتگنینی بیلدیرگن.
بیاناتگه کۉره، ۱۱ عایله، جمعی ۵۹ نفر کیشی قندهاردهگی سپینبولدک چېگرهسی آرقهلی، ۹۹ عایله، جمعی ۴۴۰ نفر کیشی اېسه نیمروزدهگی ایپک یۉلی یۉنهلیشی آرقهلی افغانستانگه کیریب کېلگن.
شونینگدېک، ۱۰ عایله، جمعی ۴۳ نفر کیشی هراتدهگی اسلام قلعه چېگرهسی آرقهلی مملکتگه کیرگن.
بو حالت طالبان حاکمیتنی اېگهللهگنیدن سۉنگ کۉپلب عایلهلر قشّاقلیک و ایشسیزلیک سببلی افغانستاننی ترک اېتیب، مهاجرت یۉلیگه چیقهیاتگن بیر پیتده یوز بېرماقده.
اوّلراق، انسان حقوقلری تشکیلاتی حالوش اۉتگن کون ایراننینگ سروان حدودیده چنقاق سببلی ۱۷ نفر افغان وطنداشی جان بېرگنی حقیده خبر بېرگن اېدی.
