بیرلشگن ملتلر تشکیلاتی تورخمده هر کونی ایکّی مینگ ته گچه ایسّیق طعام ترقهتماقده
۸صبح، کابل: بیرلشگن ملتلر تشکیلاتینینگ قاچقینلر بۉییچه عالی کمیسارلیگی (یوناچسیآر) جون آییدن بویان تورخم چېگرهسیده افغانستانگه قَیتگن مهاجرلرگه قریب ۵۰ مینگ ته ایسّیق طعام پاکتی ترقهتگنینی معلوم قیلدی.
اوشبو تشکیلات چهارشنبه کونی، ۲۵-سنبله، ایکس صحیفهسیده ترقهتگن بیاناتیده هر کونی ایکّی مینگ ته گچه ایسّیق طعام پاکتی و قَیتیب کېلهیاتگنلرگه نقد پول یاردمی تقدیم اېتهیاتگنینی اَیتدی.
یوناچسیآر تورخم چېگرهسیده، افغان مهاجرلرینی قۉللب-قوّتلش ایشلری همان دوام اېتهیاتگنینی قۉشیمچه قیلدی.
بو یاردملر طالبان کېچه مینگدن آرتیق افغان مهاجری مملکتگه قَیتگنینی معلوم قیلگن بیر پیتده کۉرسهتیلماقده.
طالباننینگ اَیتیشیچه، اوشبو مهاجرلرنینگ ۴۰۰ نفردن آرتیغی تورخم چېگرهسی آرقهلی افغانستانگه کیریب کېلگن.
