استانکزی: تحصیل هېچ کیم سیزدن تارتیب آلالمه‌یدیگن نرسه دیر
۸صبح، کابل: طالبان آلتینچی صنفدن یوقاری قیزلرنینگ مکتب‌گه باریشینی منع اېتگنی ایکّی ییلدن آشگن بۉلسه هم، لېکن بو گروه تشقی ایشلر وزیرلیگی نینگ سیاسی معینی شیرمحمد عباس ستانکزی: « تحصیل هېچ کیم سیزدن تارتیب آلالمه‌یدیگن نرسه دیر» دېگن.
استانکزی بو قبیل سۉزلرنی ۳۰- میزان یک‌شنبه کونی ایکس اجتماعی صحیفه‌سیگه یازیب نشر قیلگن.
اونینگ کۉپه‌یتیریشیچه: «یخشی بیر اۉقیش هر کېمسه‌نی اۉزگرتیره آله‌دی و یخشی بیر اۉقیتووچی همه نرسه‌نی اۉزگرتیره‌دی.»
ایتیش لازمکی، طالبان ۲۰۲۱- ییل اگوست آییدن باشلب آلتینچی صنفدن یوقاری بۉلگن قیزلر اوچون مکتبلرنی یاپدی و شوندن سۉنگ بیلیم یورتلری هم محصل قیزلر یوزیگه باغلندی.
حاضرچه طالبان یېتکچیلری همده اوشبو گروه نینگ معارف و عالی تحصیلات وزیرلیکلری قیزلر نینگ تعلیم و تحصیل آلیشیگه قۉییلگن چېکلاو نینگ سببلری اوچون جوابگر اېمسلر و بعضی حاللرده بو معمانی حل قیلیش بۉییچه سعی – حرکتلر آلیب باریله‌یاتگنینی ایتیشه‌دی.
بو گروه، شونینگدېک، کابل شهری و مملکت ولایتلریده‌گی برچه خصوصی تعلیم مرکزلریگه قیزلرنی اۉقیتیش و تعلیم مرکزلریگه کیریتیشدن جدّی واز کېچیشنی بویوردی.