سویس افغانستانگه ۲،۴ میلیون دالر یاردم کۉرسه‌تدی
۸صبح، کابل: بیرلشگن ملتلر تشکیلاتی قاچقینلر بۉییچه عالی کمیسارلیگی (UNHCR)نینگ افغانستاندهگی وکالت‌خانه‌سی سویس افغانستانگه انسانپرورلیک یاردم اوچون ۲ میلیون دالردن آرتیق مبلغ اجره‌تگنینی معلوم قیلدی.
مذکور تشکیلات دوشنبه کونی، ۲۹-سرطان کونی، ایکس صحیفه‌سیده اعلان قیلگن خبریده سویس دولتی و خلقی‌نینگ ۲،۴ میلیون دالرلیک یاردمی اوچون منّتدارلیک بیلدیردی.
بیرلشگن ملتلر تشکیلاتی قاچقینلر بۉییچه عالی کمیسارلیگی قۉشیمچه قیلیشیچه، اوشبو یاردم تشکیلاتگه افغانستاندهگی اۉزگریب باره‌یاتگن انسانپرورلیک احتیاجلرگه تېزکار جواب بېریش امکانینی بېره‌دی.
تشکیلات، شونینگدېک، بو یاردم قَیتیب کېلگن مهاجرلرنی حیاتنی قیته‌دن باشلش و مېزبان جمعیتلرگه ماسلشیشده، شونینگدېک، افغانستان بۉیلب ضعیف اهالی قتلملرینی قۉللب-قوّتلشگه خدمت قیلیشینی تأکیدله‌گن.
بو یاردم افغانستان هلی هم کېنگ کۉلملی انسانپرورلیک انقراض، کۉپلب مهاجرلر‌نینگ قَیتیشی همده ضعیف عایله‌لر‌نینگ احتیاجلری آرتیب باره‌یاتگن بیر پیتده اعلان قیلینماقده.
