سویدن افغانستانگه آلتی میلیون دالردن آرتیق یاردم کۉرستدی
۸صبح، کابل:بیرلشگن ملت‌لر تشکیلاتی نینگ افغانستان اوچون مخصوص ایشانچ جمغرمه‌سی سویدن نینگ ۶.۴ میلیون دالر مقداریده‌گی یاردمی حقیده معلوم قیلدی.
مذکور جمغرمه، ۲۱ – جدی، یکشنبه کونس، اعلان قیلگن خبریده سویدن تامانیدن کۉرستیلگن یاردم اوچون منتدارلیک بیلدیرگن.
بیرلشگن ملت‌لر تشکیلاتی ایشانچ جمغرمه‌سی اوشبو مبلغ اساسی خدمتلرنی قۉللب-قوتلش، اقتصادی و اقلیمی برقرارلیکنی مستحکملش اوچون اجره‌تیلیشینی تأکیدلگن.
بوندن آلدین، ایتالیا هم افغانستانگه ایکی میلیون دالردن آرتیق یاردم کۉرستگن اېدی.
شو بیلن بیرگه، بیرلشگن ملت‌لر تشکیلاتی افغانستان اوچون ۲۰۲۶- ییلده ضرور بۉلگن انسان‌سیورلیک یاردم بودجه‌سی صفتیده ۱.۷۱ میلیارد دالر سۉره‌گن.
بیرلشگن ملت‌لر تشکیلاتی نینگ انسان‌سیورلیک یاردمنی موافقلشتیریش باشقرمسی (اوچا) معلوماتیگه کۉره، ۲۰۲۶ – ییلده افغانستانده قریب ۲۲ میلیون کیشی انسان‌سیورلیک یاردمگه محتاج بۉله‌دی.
