طالبان چین ده افغانستان یشاوچیلری گه پاسپورت بیریلیش جریانی باشلنگنیدن خبر بیردی
بیجینگ ده طالبان کنترولی ده افغانستان ایلچی‌لیگی، چین ده اوشبو مملکت یشاوچیلری گه پاسپورت بیریلیش جریانی باشلنگنیدن خبر بیردی.
اوشبو ایلچی‌لیک ۱۶ دلو دوشنبه کونی ایکس صحیفه‌سیده یازیشیچه، چین ده‌گی افغان‌لر شرایط اساسیده ینگی پاسپورت آلیش‌لری ممکن.
چین باشقه مملکت‌لر کبی طالبان گروهینی تن آلگن بولمسه ده، بیراق بیجینگ ده افغانستان ایلچی‌لیگینی اوشبو گروه گه تاپشیرگن.
ینگی‌لیکده، بیجینگ ده طالبان نماینده‌سی و ایلچیسی اسدالله بلال کریمی نینگ اعتبارنامه‌سی شی جین پینگ تامانیدن قبول قیلیندی.
بوندن آلدین، طالبان پاکستان، ایران، تورکیه، اۉزبېکستان و مالیزیا ده‌گی ایلچیخانه‌لریده مملکت یشاوچیلری گه پاسپورت بیریلیش جریانی باشلنگنیدن خبر بیرگندیلر.
بو ایلچیخانه‌لر، طالبان افغانستان ده حاکمیت نی قۉلگه آلگندن سۉنگ بو گروه گه تاپشیریلگن، بیراق مملکت نینگ کوپ سانده ایلچی‌لیکلری حاضرگچه طالبان دن بویروغ آلمه‌یدی و «افغانستان اسلامی جمهوریتی ایلچی‌لیگی» اۉله‌راق فعالیت قیلماقده‌لر.
