طالبان ایچکی ایشلر وزیری روسیه اېلچیسی بیلن امنیتی همکارلیک‌لرنی محاکمه قیلدی
طالبان ایچکی ایشلر وزیرلیگی، اوشبو وزیرلیک سرپرستی سراج‌الدین حقانی کابل ده روسیه اېلچیسی دیمیتری ژیرنوف بیلن اۉچره‌شگنیدن خبر بیرگن.
بو اۉچره‌شوو ۱۵ حوت، سه‌شنبه کونی بولیب اۉتگن.
طالبان ایچکی ایشلر وزیرلیگی بیر بیانیه ترقه‌تیب ایتیشیچه، بو اۉچره‌شووده حقانی «مسکو و کابل همکارلیک‌لری دوامی، ایکّی تامان مناسبتی مستحکم‌لنیشی و امنیتی همکارلیک‌لر» اوستیگه تاکید ایتگن.
بیانیه اساسیده، اوشبو اۉچره‌شووده حقانی و کابل ده روسیه اېلچیسی افغانستان و منطقه احوالینی محاکمه قیلگنلر.
روسیه مدافعه وزیری سرگئی شویگو، افغانستان نی منطقه اوچون بویوک تهدید دیب و مرکزی آسیاده وضعیت مرکب‌لیگیدن آگاه‌لنتیرگن بیرحالده، بو اۉچره‌شوو بولیب اۉتگن.
شویگو ۸ حوت، سه‌شنبه کونی، روسیه نینگ حربی یوقاری مرتبه‌لی رسمی‌لری بیلن اۉتکزگن ییغیلیش ده، اۉتگن ییل گه نسبتن داعش ۱۵ فایز کوچلی بولگنینی ایتگن اېدی.
بونگه قوشیمچه، روسیه خوفسیزلیک شورا کاتبی نیکلای پاتروشف بیشکک ده «افغانستان خوفسیزلیک آلتینچی ییغیلیشی» ده، طالبان حاکمیتیده افغانستانده ۲۰ ترورچی تشکیلات ۲۳ مینگ حربی شبه‌نظامی بیلن حضوری بارلیگینی بیلدیرگن.
