طالبلر کابل‌ده تۉرت یاشنی آتیب اۉلدیرگن
۸صبح، کابل: محلی منبعلر طالبلر تۉرت یاش ییگیت‌نی کابل شهریده آتیب اۉلدیرگن دېب ایته‌دیلر.
منبعلرنینگ ۸صبح کونده‌لیگی بیلن صحبتده، اوشبو یاش ییگیتلر۳- عقرب چهارشنبه کونی توشدن آلدین کابل نینگ دارالمان منطقه‌سیده طالبان جنگریلری تامانیدن اۉلدیرگنلر دېب تصدیقله‌گنلر.
منبعلرنینگ ایتیشیچه، مذکور کیشیلر طالبلرنینگ تېکشیرو پونکتیده تیللشگندن کېین آتیب اۉلدیریلگنلر.
بیر موترده مینیلگن ییتّی یاش ییگیت طالبلرنینگ تېکشیروو پونکتیدن اۉتماقچی بۉلگنده دستلب کلتکنگنلر سۉنگ طالبلر جنگریلری اولرنی اۉققه توتگن دېدی کابل‌ده‌گی اوشبو منبعلر.
منبعلرنینگ کۉپه‌یتریشیچه، طالبلر یاشلرنینگ باشقه اوچ ته‌سی قۉلگه آلیب نا معلوم یېرگه آلیب کېتیلگنلر.
کابل‌ده یشه‌یدیگن اوشبو یاشلر پنجشیر ولایتی نینگ یشاووچیلری بۉلگنی تیلگه آلینگن.
طالبان هنوزگچه بو حقده بیرار نرسه دېگنیچه یۉق.
ایتیش کېره‌ک که طالبلر بوندن۱۱ کون آلدین هم کابل شهری نینگ قلعه فتح الله منطقه‌سیده‌گی تېکشیروو پونکتیده آتیب اۉلدیرگن اېدی.
عبدالعزیز ناملی بو یاش پنجشیر مرکزیگه قره‌شلی فروبل منطقه‌سی نینگ یشاووچیسی اېدی.