اسراییل و حماس اۉرته‌سیده‌گی آتیش کېسین ینه ایکّی کون چۉزیلدی
اسراییل و حماس اۉرته‌سیده‌گی تۉرت کونلیک آتیش کېسین توگه‌شی بیلن تشویشلر کۉپه‌یگن بیر پیتده، قطر تشقی ایشلر وزیرلیگی ایکّی تامان ارا آتیش کېسین ینه ایکّی کون چۉزیلدی دېب اعلان قیلدی.
بو وزیرلیک نینگ سۉزلاوچیسی ماجدالانصاری ۲۷- نوامبر دوشنبه کونی هر ایکّی تامان کوچلری ارا انسان‌پرولیک آتیش کېسین ینه ایکّی کون چۉزیلدی دېب ایتگن.
اونینگ قۉشیمچه قیلیشیچه، نوار غزه‌گه آرتیق کمکلر یوباریلیشی مقصدیده آتیش کېسین اوچون تلاش قیلیش و گروگه آلینگنلر کۉپراق قۉییب یوباریلیشی مقصدیده آتیش کیسین ینه ایکّی کون چۉزیلدی.
شونینگدېک او اوروش نینگ وقتینچه‌لیک تۉخته‌تیلیشی غزه ده دایمی آتیش کېسین و تینچ اهالی اۉلدیریلیشی نینگ آلدی آلینیشیگه امید بیلدیرگن.
آلدینراق مصر بلند مرتبه‌لی رسمیلری توقنشوو تامانلری آتیش کۉسین چوزیلیشی اوستیگه کېلیشیشگه یقینلشگنلر دېب خبر بېرگن اېدی.
(SIS) مصر دولت معلومات سرویسی باشلیغی دعا شوان نینگ ایتیشیچه، آتیش کېسین چۉزیلگن حالده، حماس آلدیده‌گی اسراییللیک ۲۰ گروگان و فلسطینلیک ۶۰اسیر اسراییل تورمه‌لریدن آزاد قیلینه‌دی.
ایتیش کېره‌ک که تۉرت کونلیک آتیش کېسین جمعه کونی اېرته‌لب کوچه کیردی، بو آتیش کېسین ۲۷- نوامبر دوشنبه‌کېچه توگه‌یدی.
بوندن یېتّی هفته آلدین حماس و اسراییل اۉرته‌سیده یوز بېرگن اوروشده ۱۳مینگ فلسطینلیک و چمه‌سی بیرمینگ ۴۰۰اسراییللیک اۉلدیریلگن.