پاکستان و افغانستان آره‌سیده بیش چېگره یاپیلیشی؛ اسلام‌آباد نینگ اۉرته آسیا بیلن تجارتی تۉخته‌دی
پاکستان و افغانستان سوداگرلیک قۉشمه اتاق ریاستی گه کوره، افغانستان و پاکستان آره‌سیده بېش چېگره یاپیلیشی بیلن پاکستان نینگ اۉرته آسیا مملکت‌لری بیلن تجارتی توخته‌گن.
اوشبو اتاق باشلیغی جنید اسماعیل ۳۰-جدی، شنبه کونی، بو بېش چېگره یاپیق قالگن حالده پاکستان نینگ اقتصادی جدی قیېنچیلیک بیلن یۉزمه یوز بولیشیدن آگاه‌لنتیرگن.
اسماعیل نینگ کوپه‌یتیریشیچه: «حاضرگی شرایط ده ایکّی تامانلمه تجارت و ترانزیت اۉستیگه سلبی تاثیر قیله‌دی و کلیدی چېگره‌لر یاپیلیشی باعث، اۉرته آسیا مملکت‌لری بیلن تجارت تۉخته‌گن.»
او پاکستان دولتی دن بوتوغریده دقت قیلیشینی سۉره‌گن.
شو بیلن بیرگه، افغانستان و پاکستان آره‌سیده چېگره‌لر یاپیلیشی مملکت ده یېگولیک ماده‌لر نرخی آشیش گه سبب بولگن.
ایتیش کېرهک تورخم بندری ۲۳-جدی، شنبه کونی، افغان هیداوچیلری نینگ ویزه‌سی و پاسپورتی بۉلیشی اوستیده‌گی جنجل باعث سوداگرلیک توارلر گه یاپیلدی.
تورت کون آلدین پاکستان چېگره‌چیلری خوست ولایتیده غلام‌خان بندرینی یاپگنلر.
بوندن آلدین، پکتیکا نینگ برمل تومنیده «انگوراده» و پکتیا نینگ دندپتان تومنیده خرلاچی چېگره‌لری یاپیلگن اېدی.
شونینگدیک قندهار ده اسپین‌بولدک چېگرهسی اۉچ آی دن بیری، هیداوچیلر نینگ پاسپورت و ویزه‌سی بولیشی جبری قیلینگنی گه دایر یشاوچیلر نینگ ناراضی‌لیگی سبب بوتۉنلی یاپیلگن.