تورکیه، سعودی عربستان و پاکستان اۉرته‌سیده‌گی مدافعه کېلیشووی اجرا باسقیچیگه کیردی
تورکیه، سعودی عربستان و پاکستان بیلن توزیلگن مکه قۉشمه مدافعه کېلیشوویگه عاید قانوننی مملکت‌نینگ رسمی گزېته‌سیده اعلان قیلگنیدن سۉنگ، اونی قانونی تصدیقلش جریانینی یکونله‌دی.
الجزیره شنبه کونی، ۱۴-نوامبر، تورکیه پارلمانی اوشبو کېلیشوونی ۵-نوامبرده تصدیقله‌گنینی خبر قیلدی.
اوشبو کېلیشووگه عاید قانون هم ۱۳-نوامبر کونی تورکیه‌نینگ رسمی گزېته‌سیده اعلان قیلینیشی بیلن کوچگه کیردی.
مذکور کېلیشوو ۷-اگوست کونی مکه شهریده تورکیه جمهور باشلیغی، سعودی عربستان ولیعهد شهزاده‌سی و پاکستان باش وزیری تامانیدن امضالنگن اېدی.
اوشبو کېلیشوودن کۉزلنگن مقصد اوچ مملکت اۉرته‌سیده حربی موافقلشتیریشنی کوچه‌یتیریش، استخباراتی معلوماتلرینی المشیش و مدافعه صناعتی ساحه‌سیده همکارلیک قیلیش اېکنی اَیتیلگن.
اوشبو کېلیشوو‌نینگ امضالنیشی امریکا و اسراییل‌نینگ ایرانگه قرشی اوروشی آرتیدن منطقوی کېسکینلیکلر کوچه‌یگن بیر پیتگه تۉغری کېلماقده.
