آزادلیک جبههسی غزنیده طالبانگه قرشی ایلک چریکی عملیاتینی اۉتکزگنی حقیده خبر بېردی
۸صبح، غزنی: آزادلیک جبههسی غزنیده اۉزینینگ طالبانگه قرشی چریکی عملیاتلرینی باشلهگنینی معلوم قیلیب، ایلک هجومده طالباننینگ ۰۶-سانلی قطعهسینینگ اۉرینباسرینی اۉلدیرگنینی اَیتگن.
اوشبو جبهه شنبه کونی، ۷ سنبله، ایکس صحیفهسیده بیانات ترقهتیب، بو عملیات اۉتگن کون غزنه ولایتینینگ واغظ تومنیدهگی آبقلعه حدودیده عملگه آشیریلگنینی بیلدیرگن.
بیاناتگه کۉره، هجومدن مقصد اوشبو ولایتدهگی طالباننینگ «حافظ بدرالدین ۰۶-سانلی قطعهسینینگ» اۉرینباسری ملا عمر صدیق بۉلگن.
آزادلیک جبههسی معلوماتیگه کۉره، ملا عمر صدیقنینگ بیر دانه یېنگیل قورالی و بیر دانه تفنگچهسی هم اوشبو جبهه کوچلری قۉلیگه توشگن.
بو حالتده سۉنگگی هفتهلرده آزادلیک جبههسی و طالبانگه قرشی باشقه اَیریم جبههلرنینگ مملکتنینگ تورلی حدودلریدهگی هجوملری کۉپهیگن.
