سمنگان ده بیر مسجد نینگ امامی اۉلدیریلیشی
سمنگان ده طالبان محلی مسئوللری اوشبو ولایت نینگ خُلم تومنیده بیر دین عالمی اولدیریلگنیدن خبر بیره‌دیلر.
قوراللی ناتانیشی کیشی‌لر ۲۵-جدی، دوشنبه دن سه‌شنبه گه اوتر کیچه، ساعت ۸:۰۰ اطرافی ده، سمنگان ولایتی خُلم تومنی ایش‌محمد بیگ قیشلاغی ده شیخ شکور اسملی بیر مسجد امامی‌نی اۉلدیرگنلر.
محلی منبع‌لر نینگ ایتیشلریچه، اوشبو دین عالمی «خفتن» نمازینی اوقیش دن کیین اویی تامان باره‌دیگن پیتده مذکور تومن نینگ چهار دریاب ساحه‌سیده اولدیریلگن.
شیخ شکور، جوزجان ولایتی اصلی یشاوچیسی ایکن.
طالبان اۉشبو واقعه‌نی تصدیقلب ایتیشلریچه، بو مسجد امامی کلاشینکوف رسوملی قورال بیلن آتېب اولدیریلگن.
خُلم ده طالبان امنیه قوماندان‌لیگی، بوتوغریده تدقیقات‌لر باشلنگنینی معلوم قیلگن.
واقعه سببی حاضرگچه بیللی بولمه‌گن.
عین‌حالده، قریب ایکی آی آلدین هرات شهری نینگ اون اوچینچی ناحیه‌سیده قوراللی ناتانیش کیشی‌لر «خادم حسین هدایتی» و «رجب اخلاقی» لرنی اولدیرگن ایدیلر.