«اصلی دشمن»؛ شمالی کوریا رهبری جنوبی کوریا بیلن علاقه‌لر نی اوزیشنی طلب قیلدی
کوریا یریم آرالی ده‌گی کیسکین‌لیکلر دوام ایتر ایکن، شمالی کوریا رهبری کیم جونگ اون، جنوبی کوریا نی «اصلی و اۉزگرمس دشمن» دیب بو توغریده یشاوچیلرنی توشینتیریش اوچون بو مملکت اساسی قانونی اوزگرتیریلیشی اوستیگه تاکید ایتگن.
رویترز نینگ گزارشی اساسیده، کیم جونگ اون بو بیانات نی ۱۶-جنوری، سه‌شنبه کونی، شمالی کوریا پارلمانی یا خلق عالی مجلسی ده بیان قیلگن.
شمالی کوریا رهبری جنوب بیلن باشقه بیرلشیش ممکن ایمس دیگن خلاصه گه کیلیب و سئول نی رژیمینی آغدریب و ایکی کوریا نی بیرلشتیریش اوچون تلاش قیلیش گه عیبله‌گن.
کیم جونگ اون نینگ ایتیشیچه: «شمالی کوریا اهالیسی گه، جنوبی کوریا اصلی و اوزگرمس دشمن‌لیگینی توشینتیریش اوچون اساسی قانون اصلاح بولیشی کیره‌ک.»
او مملکتی اوروش آرتیده ایمس‌لیگینی ایتگن بولسه ده، لیکن اوروش باشلنگن حالده قاچمسلیگی اوستیگه تاکید ایتگن.
اوروش باشلنگن حالده «جنوبی کوریا نی بوتونلی آلیش» اوچون ریجه توزه‌تیلیشینی اورغوله‌گن، شمالی کوریا رهبری کیم جونگ اون.
شمالی کوریا دولت ییتکیرمه‌لری نینگ معلوماتی اساسیده، بو بیانات‌لر دن سونگ تروریزم ساحه‌سیده ایکی دولت اتفاقی بیلن شغللنوچی اوچ تشکیلات نینگ فعالیتی بیکار قیلینیشی کوتیله‌دی.
باشقه تاماندن، جنوبی کوریا جمهور باشلیغی یون سوک یول، دولت نینگ کابینه ییغیلیشی ده شمالی کوریا نی دشمن مملکت اوله‌راق تن آلیشینی بیلدیرگن.
سونگی ییللر ده کوریا یریم آرالی ده حربی مشق‌لر جمله دن پیونگ یانگ نینگ قوراللی مشق‌لری و امریکا و جنوبی کوریا بیلن حربی مانورلر کوپه‌یگن بیرحالده، بونده‌ی بیانات‌لر بیریلگن.