نانسی فزر، ترکی اسلامی بیرلشمه‌دن طالبان نماینده‌سی میزبانلیگی حقیده تفصیلات سۉره‌دی
۸صبح، کابل: آلمان ایچکی ایشلر وزیری نانسی فزر آلمان نینگ «کلن»شهری‌ده‌گی ترکی اسلامی بیرلشمه‌دن اوشبو بیرلشمه طالبان آوقت و دارو اداره‌سی رییسی عبدالباری عمرنینگ میزبانلیگی حقیده معلومات بېریشنی طلب قیلدی.
اسوشیتدپرس نینگ گزارش بېریشیچه، نانسی فزر ۲۹- عقرب دوشنبه کونی کلن‌ده طالبان نماینده‌سی حضورینی قاره‌لب اونی قبول قیلینمه‌یدی دېگن.
فزر: «قنده‌ی ممکن دیرکه اروپا بیرلشمه‌سی نینگ مرکزیده بو مقصد اوچون فایده‌له‌نیلسه؟»دېگن.
اونینگ تاکیدله‌شیچه، «افراطی اسلامچیلر» فعالیتی بۉییچه آلمان‌ده شرایط یره‌تیلمسلیگی کېره‌ک.
ایتیش کېره‌ک که عبدالباری عمر، اۉتگن هفته آلمان نینگ کلن شهریده ترکی اسلامی بیرلشمه‌سی مرکزیگه تېگیشلی مسجد‌ده چیقیش قیلیب نطق سۉزله‌دی.
بوندن آلدین ترکی اسلامی بیرلشمه‌سی بیر اعلامیه نشر قیلیب، اولر طالبلرنینگ مذکور نماینده‌سیگه فقطگینه نماز اۉقیش اوچون بو مجسدگه رخصت بېرگنلر، لېکن ایریم افغانستانلیکلر بو فرصتنی سوء‌استعمال قیلگنلر دېگن.
طالبان آوقت و دارو اداره‌سی باشلیغی بوندن نېچه کون آلدین هالندده دارو بۉییچه بیر ییغینده اشترک قیلیش مقصدیده بو مملکت‌گه سفر قیلگن و کېین بیر قنچه اورپا مملکتلرگه هم بارگن.
عین حالده، تیناوون (۲۸- عقرب یک‌شنبه) امریکا قۉشمه ایالتلری نینگ نماینده‌لر مجلسی تشقی علاقه‌لر باشلیغی طالبلرنینگ بو نماینده‌سی سفری خصوصیده عکس‌العمل کۉرسه‌تیب، بو گروه نینگ اعضالری باشقه مملکتلرگه بوتونله‌ی سفرلری تۉخته‌تیلیشی طلبی بیلن چیقدی.