اسراییل و حماس اۉرته‌سیده‌گی اوروشده هلاک بۉلگن بیرلشگن ملتلر تشکیلاتی خادملری سانی ۳۵ کیشیگه یېتدی
بیرلشگن ملتلر تشکیلاتی نینگ یاردم یېتکزیب بېریش بۉییچه آژانس (UNRWA)) اسراییل و حماس اۉرته‌سیده‌گی اوروش باشلنگنیدن بېری بو تشکیلات نینگ کمیده ۳۵ خادیمی حیاتدن کۉز یومگنینی اعلان قیلدی.
اوشبو تشکیلات یقینده ۲۳-اکتوبر، دوشنبه کونی اسراییل و فلسطین اۉرته‌سیده‌گی سۉنگی جنگلرده هلاک بۉلگن خادملری نینگ ینگی سانینی اعلان قیلدی.
تشکیلات نینگ تأکیدلشیچه، یقینده ایچکی کۉچیریلگنلر کمپلریده یاردم ایشلری بیلن شغللنگن ینه آلتی خادم نینگ اۉلیمی تصدیقلنگن.
اوشبو تشکیلات معلوماتلریگه کۉره، ۷-اکتوبردن بویان اونینگ ۴۰ ته تاسیساتی، جمله‌دن، اۉتگن کېچه و کندوزده ایکّیته تاسیساتی قتّیق ضرر کۉرگن.
حاضرده غزده‌گی UNRWA نینگ ۱۵۰ ته مرکزیده ۶۰۰ مینگ ایچکی کۉچیریلگن آدم استقامت قیله‌دی.
عینِ پیتده بیرلشگن ملتلر تشکیلاتی باش کاتبی آنتونیو گوتریش: «یقین شرقده‌گی زۉروانلیکلر اۉرته‌سیده مینگلب تینچ اهالی هلاک بۉلدی، اولر آره‌سیده انسان پرور و اۉقیتووچیلر بۉلگن UNRWA ده‌گی ۳۵ نفر همکسبیمیز ۷ آکتو‌بردن بېری غزده اۉلدیریلگن دېب تیلگه آلدی.»
او ماتم توته‌‌یاتگنینی و محتاجلرگه قۉلیدن کېلگنیچه یاردم بېره‌یاتگن همکسبلری بیلن بیرگه اېکنینی قۉشیمچه قیلدی.
بیرلشگن ملتلر تشکیلاتی خادملری نینگ قربانلری حقیده‌گی اوشبو حساباتلر اولر غزه و بوتون دنیا بۉیلب باشقه اوروش حدودلریده جراحتلنگنلرگه یاردم کۉرسه‌تیشده آلدینگی صفده بۉلگنلرینی اعلان قیلینه‌دی.
اوّلراق کمیده بېشته یاردم تشکیلاتی اۉز خادملری خوفسیزلیگیگه جدّی اعتبار قره‌تیشگه و میلیونلب آدملر آزیق- آوقت، سوو و دارو-درمان یېتیشمسلیگیگه دوچ کېلگن غزده بشردوستانه آتیش کیسینگه چقیرگن اېدی.