طالبان بدخشان و چین اۉرته‌سیده‌گی بیرینچی ترانزیت یۉل قوریلیشی یکونلنگنینی معلوم قیلدی
۸صبح، کابل: طالبان افغانستاننی واخان یۉله‌گی آرقه‌لی چین بیلن باغله‌یدیگن بدخشانده‌گی ۱۲۱ کیلومترلیک واخان یۉلی قوریلیشی یکونلنیب، فایده‌لنیشگه تاپشیریلگنینی معلوم قیلدی.
طالبان نظارتیده‌گی باختر اخبارات آژانسی یکشنبه کونی، ۱۲-میزان، اوشبو یۉل برۉغیل حدودیدن چین بیلن چېگره‌ده‌گی نقطه‌گچه چۉزیلگنینی و اونینگ قوریلیشی ایکّی باسقیچده عملگه آشیریلگنینی خبر قیلدی.
خبرگه کۉره، اوشبو یۉلنی قوریشگه جمعی ۳۶۵ میلیون افغانی مبلغ صرفلنگن.
طالبان سۉزلاوچیسی اۉرین‌باسری حمدالله فطرت، اوشبو گروه افغانستان‌نینگ چېکّه حدودلریده ینه کۉپلب ترقیات لایحه‌لرینی عملگه آشیریشنی رېجه‌لشتیره‌یاتگنینی اَیتدی.
واخان یۉلی برۉغیل حدودیدن چین چېگره‌سیگچه چۉزیلگن بۉلیب، افغانستان و چین اۉرته‌سیده‌گی بیرینچی قوروقلیکده‌گی ترانزیت یۉلی صفتیده تقدیم اېتیلماقده.
طالبان رسمیلری اوشبو یۉل افغانستان‌نینگ چین و منطقه مملکتلری بیلن سودا، ترانزیت و اقتصادی علاقه‌لرینی کېنگه‌یتیریش اوچون امکانیت یره‌تیشی ممکنلیگینی اَیتماقده.
