طالبان افغانستانده یوناما ماموریتی اۉزه‌یتیریلیشینی خوش قرشی له‌دی
۸صبح، کابل: طالبان سۉزلاوچیسی ذبیح‌الله مجاهد افغانستانده بیرلشگن ملتلر تشکیلاتی اۉرین باسرلیک هیأت (یوناما) ماموریتی اۉزه‌یتیریلیشینی خوش قرشی له‌گن.
مجاهد ۲۶ حوت، پنج‌شنبه کونی طالبان حاکمیتیده ملی تلویزیون آرقه‌لی ترقه‌لگن اَودیو ده، یوناما بیرلشگن ملتلر تشکیلاتیده افغانستان چوکیسی بو گروه گه تاپشیریلیشی اوچون یاردم بیریشینی سۉره‌گن.
او، طالبان برچه مملکتلر و خلق‌ارا تیکشیلات‌لر بیلن علاقه قوریش و مناسبتینی مستحکم‌لش اوچون تلاش قیلماقده دیب، یوناما دن «افغانستان‌نی دنیا بیلن باغلش گه یاردم بیریشینی» سۉره‌گن.
بیرلشگن ملتلر تشکیلاتی خوفسیزلیک کینگشی اۉتگن کیچه برچه نینگ کېلیشیووی بیلن قطع‌نامه‌نی تصدیقلب یوناما ماموریتینی ېنه بیر ییلگچه اۉزه‌یتیرگن.
اوشبو قرار اساسیده، افغانستانده بیرلشگن ملتلر تشکیلاتی اۉرین باسرلیک هیأت ماموریتی (یوناما) ۲۰۲۵ ییل ۱۷ مارچ گه اۉزه‌یتیریلگن.
طالبان حاکمیتیده افغانستانده سۉنگی ایکّی ییل ده یوناما ایشلریدن کېنگ کولمده تنقید بولگن بولسه ده، بیراق خلق‌ارا کېچیریم تشکیلاتی و انسان حقلرینی کوزه‌تووچی تشکیلات اوشبو هیأت باشلیغی رزا اوتنبایوا دن خاتین قیزلر نینگ حقوقینی اۉستون قرار بیریشینی سۉره‌گن.