بیرلشگن ملتلر تشکیلاتی عزه‌ده ۸۹ خادمی اۉلدیریلگنینی انیقله‌دی
بیرلشگن ملتلر تشکیلاتی نینگ باش کاتبی آنتونیو گوترش عزه‌ده اسراییل نینگ هجوملری عاقبتیده تشکیلات نینگ ۸۹ خادمی اۉلدیریلگنی حقیده خبر بېرگن.
گوترش ۷نوامبر سه‌شنبه کونی ایکس اجتماعی صحیفه‌سیگه یازیشیچه، بیرلشگن ملتلر تشکیلاتی نینگ کۉپینچه خادملری عایله‌لری بیلن بیرگه اۉلدیریلگنلر.
بیرلشگن ملتلر تشکیلاتی ایشلاوچیلری نینگ عزه ده اۉلدیریلیشی بو تشکیلات نینگ تاریخیده سابقه‌سی بۉلمه‌گن تلفات دېدی تشکیلات نینگ باش کاتبی.
بیرلشگن ملتلر تشکیلاتی نینگ باش کاتبی: « مین ۸۹ نفر همکارلریمیزنینگ غزه ده |فلسطین آواره‌لری ایشلری بیلن شغللنگن تشکیلات| نینگ ماتمیگه اۉزیمنی شریک دېب بیله‌من»
۶ – نوامبر دوشنبه کونی اسراییل بیلن حماس اۉرته‌سیده باشلنگن اوروشگه اۉتیز بیر کون بۉلدی، بیرلشگن ملتلر تشکیلاتی نینگ یاردم یېتکزیب بېروچی اداره‌لر (UNRWA) نینگ بیر گزارشده اعلان قیلیشیچه، اسراییل نینگ هجومی نتیجه‌سیده هر ۱۰ دقیقه‌ده بیر فلسطینلیک اۉلیب و باشقه ایکی باله تن جراحتی آله‌دی دېگن.
گزارشگه کۉره، اوتگن ۲۴ ساعت ایچیده اسراییل نینگ نوار عزه شمال جونبیده‌گی هجوملری نتیجه‌سیده بیرلشگن ملت تشکیلاتی نینگ بېش خادمی اۉلدیریلگن.
غزه‌ده اوروش باشلنگندن بېری بیرلشگن ملتلر تشکیلاتی نینگ یاردم یېتکزووچی خادملریدن ۸۸ ته هلاک بۉلگن و کمیده ۲۵ کیشی تن جراحتی آلگنی مذکور گزارش ده معلوم قیلینگن.