ایران جمهور رییسی‌نینگ تورکیه‌گه سفری آرتده قالدیریلدی
گزارشلرگه قره‌گنده، ایران جمهور رییسی سیدابراهیم رییسی نینگ تورکیه سفری آرتده قالدیریلدی
تسنیم خبرگزارلیگی نینگ گزارش بېریشیچه، اوشبو سفر ۲۸- نوامبر سه‌شنه کونی عملگه آشیریلیشی کوتیلردی؛ لېکن سۉنگی دقیقه‌لرده نامعلوم دلیللر سبب سفر بېکار قیلینگن.
سفر بېکار قیلینگی تۉغریسیده هنوزگچه هیچ قنده‌ی تفصیلات بېریلمه‌گن.
باشقه بیر تاماندن، تورکیه جمهورلیک ریاستی دفتری بیر خبرنامه نشر قیلیب، بو موضوع حقیده خبر بېرگن دیر.
تورکیه دولتی، رییسی جنابلری نینگ بو مملکت گه بۉله‌جک احتمالی سفری باره‌سیده هم معلومات بېرمه‌گن.
عین حالده، تورکیه جمهور رییسی رجب طیب اردوغان چمه‌سی ایکّی هفته آلدین سیدابراهیم رییسی نینگ انقره‌گه سفری حقیده خبر بېرگن اېدی.
اوشبو سفر جریانیده هر ایکّی مملکت نینگ جمهور رییسلری اوچره‌شیب «غزه اوروشیگه نسبتن عمومی موضع قبول قیلیش» خصوصیده مذاکره قیلیشی ریجه‌لنتیریلگن اېدی.