جهان آزیق – آوقت دستوری بیر میلیون مهاجر اوچون ۲۷.۵ میلیون دالر یاردم سۉره‌دی
۸صبح، کابل: جهان آزیق – آوقت دستوری نینگ اعلان قیلیشیچه، اوشبو تشکیلاتی پاکستان‌دن افغانستانگه قیتیب کېلگن مهاجرلرگه شاشیلینچ یاردملر کۉرسه‌تیش اوچون بودجه آزلیگیگه روپه ره دیر.
جهان آزیق – آوقت دستوری ۴- قوس شنبه کونی ایکس اجتماعی ترماغیده اوشبو تشکیلات پاکستان‌دن افغانستانگه قیتیب کېله‌دیگن بیر میلیون مهاجر اوچون ۲۷.۵ میلیون دالرگه احتیاجی بار دېب یازگن.
شونینگدېک تشکیلات ایکس اجتماعی ترماغیده: «هر کون مینگلب افغانستانلیک مهاجر پاکستان‌دن اۉز یورتیگه قیتیشگه مجبور بۉله‌دیلر. بیزلرنی تۉرت میلیوندن بیر میلیونگه آزیق آوقت و نقد پولگه احتیاجیمیز بار، لېکن بیر میلیون انساننی قاپله‌شیمیز کېره‌ک تاکه اولر قیشدن آمان قالسه‌لر» دېب معلوم قیلگن.
بیرلشگن ملتلر تشکیلاتی نینگ انسان پرورلیک یاردملر بۉییچه اۉرین باسری مارتین گریفیتس ۲۹- عقرب، پاکستان‌دن قیته‌دیگن افغانستانلیک مهاجرلرنینگ دستلبکی احتیاجلرینی تامینلش اوچون ۱۰ میلیون دالر اجره‌تگنینی بیلدیرگن بیر پیتده، جهان آزیق – آوقت تشکیلات پاکستان‌دن قیته دېگن افغانستانلیک بیر میلیون مهاجر اوچون ۲۷.۵ میلیون امریکا دالریگه ضرورت بار دېب معلوم قیلدی.
طالبان همده پاکستانلیک بلند مرتبه‌لی رسمیلرنینگ بېرگن حساباتلریگه قره‌گنده، سۉنگی نېچه هفته ایچیده کمیده ۴۰۰ مینگ مهاجر پاکستان‌دن افغانستانگه قیتیب کېلگنلر.