جهان آزیق-آوقت دستوری قیشگی یاردملر اوچون ۴۰۰ میلیون دالر سۉره‌دی
۸صبح، کابل: جهان آزیق-آوقت دستوری کېلگوسی قیشده افغانستان‌نینگ تاغلی حدودلریده‌گی محتاج عایله‌لرگه یاردم بېریش اوچون ۴۰۰ میلیون دالر کېره‌کلیگینی ینه بیر بار اعلان قیلدی.
۲۱ -عقرب یک‌شنبه کونی بو تشکیلات اۉزی‌نینگ ایکس صحیفه‌سیده قیش کېله‌یاتگنینی و افغانستان کوته آلمه‌سلیگینی یازگن.
جهان آزیق-آوقت دستوری‌نینگ قۉشیمچه قیلیشیچه، تاغلی و قارلی حدودلرده یشاوچی آدملرگه آلیب بارووچی برچه یۉللرنی یاپیب قۉیه‌دیگن قتّیق قیش کېلیشیگه بیر نېچه هفته قالگن.
عینِ پیتده یاردم تشکیلاتلری افغانستاندهگی انسانیت وضعیت یامانلشگنیدن آگاهلنتیریب، افغان قاچقینلری‌نینگ پاکستان‌دن جبری قَیتیشی وضعیتنی ینه‌ده آغیرلشتیریشینی ایتیشگن.
افغانستان‌نینگ اَیریم ساووق و تاغلی حدودلریده کوز (خزان) اۉرته‌لریده قار یاغیشی و ساووق طفیلی ترانسپورت یۉللری تۉسیب قۉییلگن.
یاردم تشکیلاتلری قیشده آزیق-آوقت یېتیشمسلیگی معماسیگه دوچ کېلمسلیک اوچون قیش کېلیشیدن آلدین بو حدودلرده‌گی انبار‌لرگه آزیق-آوقت یېتکزیب بېریشگه حرکت قیلیشگن.