خلق و ملا حسن آخوند کۉتگن دنیا
طالبان گروهی نینگ باش وزیری ملا حسن آخوند، دنیا غزه ده‌گی شفقت‌سیزلیک و دهشت‌نی آچیق کوز بیلن کۉزه‌تماقده‌لیگینی اېتگن. او رمضان آی باشلنیشی مناستبی بیلن پیامی‌ده، دنیانی فلسطین‌ده اسراییل نینگ هجوم‌لری برابریده بی‌فرق‌لیکّه عیبله‌گن. عین‌حالده دنیا نینگ بو بورچه‌گی یعنی افغانستانده، غزه خلقی احوالی دن کوره یامان احوال ده خلق یشه‌ماقده. بو ییرده اولر نینگ تقدیری گه بیر گروه حاکم بولیب و اولرنی باسیم و قییناق‌له‌یدی حتا اسراییل اردوسی نینگ حرکتینی بو لر نینگ حرکتی بیلن تقاس‌لش ممکن‌سیز. اسراییل اردوسی غزه نینگ دفاع‌سیز خلقینی قییناق‌لسه ده لېکن عیاللرنی تعلیم دن منع قیلمه‌ی و آپارتاید گه مرتکب بولمه‌گن و … غزه ده اسراییل اردوسی نینگ حرکت‌لریدن دفاع قیلمه‌یمیز، بیراق طالبان اۉزلریدن سۉره‌سینلر که اولر اسراییل اردوسیدن کوره افغانستان خلقی بیلن یامان یانده‌شمه‌یدیلر می؟ آیا بو گروه اهالی گه قرشی چېکلاو یره‌تمه‌گنمی؟ اسراییل اردوسی فلسطین‌لیکلرنی اوی-جای‌لریدن آواره قیلگن بولسه، آیا طالبان هم خوددی اقدام نی غزنی، ارزگان، دایکندی، جوزجان، پروان و تخار ده قیلیشمه‌گنمی؟ طالبان اهالی گه قیلگن ایشلریدن آگاه بولسه قنده‌ی قیلیب اۉز جنایت‌لری گه بی‌فرق بولیب و دنیا دن فلسطین مسأله‌سینی حل قیلیشنی کوتماقده؟
حاضرگی دنیا ده، زمانه‌وی تکنالوژی دنیا نی بیر قیشلاققه اېلنتیرگن. بو قیشلاق ده، آقیم‌لر و قدرت‌لر و حتا نیچه اېلت‌لیک شرکت‌لر نینگ حرکت و قرارلری عموم اهالی نینگ تقدیری اۉستیگه تاثیر قیله‌دی. تام معنا ده قرار قبول قیلووچی و تاثیرچن قدرت‌لرنی دنیا آتیگه تانی‌میز و اېریم موردلرده اولردن کوته‌میز. کمبغل و منزوی مملکتلر دنیا نینگ بیر بولیمی سنله‌دی، عین‌حالده تکنالوژی و زمانه‌وی حربی‌لری بولمه‌گن مملکتلر، اولردن کوتیش دنیا گه شامل بولمه‌یدی. کوته‌دیگن دنیا قولیدن بیر ایش کېلیشی کېره‌ک، اېریم موردلرده کوچلی و تاثیرچن مملکتلر هم شامل بولمه‌یدی. بو بیز اېته‌دیگن طلب و مساله گه باغلیق دیر. مثال اوچون، افغانستان خلقی «دنیا» دن طالبان برابریده اولر نینگ انسان حقلریدن دفاع قیلیشنی امید قیلسه، مقصدلری انسان حقلرینی نقض قیلیش گه عیبلنگن چین و روسیه کبی کوچلی مملکتلر اېمس؛ منطقه ده هم ایران و پاکستاندن هم بونده‌ی امید قیلمه‌یدیلر. اوشبو مملکتلر بوتوغریده دفاعی سابقه‌لری یوق، اېنیقسه ایران طالبان رژیمی کبی خلق اوستیگه حاکمیت قیلماقده.
طالبان گروهی نینگ هم دنیا دن امیدلری بار. دنیا دن بو گروه نینگ امیدی افغانستان خلقی نینگ امیدی گه حتا یقین هم اېمس. ایریم موردلرده قرشی توخته‌یدی. یېتکرمه‌لر و افغان اجتماعی ترماق ایشلاوچیلری نینگ صحیفه‌لرینی کوزه‌تگن بولسک اهالی نینگ دنیا همجمعیتدن طلبی، بیرینچی حقلری اېنیقسه تعلیم، اېرکین‌لیک، حجاب، تشقری ده یوریش و همه دن مهمی تېریکچیلیک قیلیش حقلری رعایت اېتیلیشی اوچون طالبان اۉستیگه باسیم کېلتیریش دیر و اهالی انسان حقلری حامی‌لری تانیلگن مملکتلر و خلق‌ارا تشکیلات‌لردن بونده‌ی امید قیله‌دی. طالبان بو امیدلر گه عکسینچه دنیا دن طلبی بار. طالبان دنیا دن دالر پاکت‌لری هفته‌لیک دن هر کونی یوباریلیشی، بو گروه‌نی زمانه‌وی قوراللر بیلن تأمینلش، بولر سپورت میدان‌لریده دهشت نمایشینی یولگه قویب و بیر کیشی نینگ جانینی آلیش اوچون تکبیر اېتیش، بیر کیشی حیات حقی کبی حق طلب قیلسه، دنیا بو گروه نی اونینگ سرکوب قیلیش اوچون ترغیب قیلیش دیر. بو دنیا طالبان نینگ قرارلری گه حرمت قیلیب و انسان حقلری نقض اېتیلیشینی مذکور گروه نینگ ایچکی مسأله‌سی اوله‌راق قبول قیلیشنی اېسته یدیلر.
طالبان نینگ دنیا دن امیدلری بونده‌ی دیر. دنیا طالبان نینگ افغانستان خلقی گه یره‌تگن چېکلاولری گه بی‌فرق بولیشنی امید قیله‌دی. عین‌حالده اۉتگن کون پروان ولایتی شیخ‌علی تومنی بومی یشاوچیلریدن ۱۷۰ عایله که اولر نینگ ملک‌لرینی قرینداش‌لری گه توزیع قیلیش اوچون جبری کوچیش بویروغینی بیرگن، طالبان دنیا دن بونده‌ی ایشلری گه اره‌لشمسلیکنی کوته‌دی. عکسینچه بو دنیا یالغیز فلسطین خلقی گه دقت قیلیب و اسراییل نینگ ایچکی و تشقی سیاست‌لرینی نظارت قیلیشی کېره‌ک، اسراییل اردوسینی فلسطین‌لیکلر نینگ جبری کوچیریش گه توسیق بولیب و غزه اهالیسی نینگ حقوقینی تامین قیلیشی درکار. طالبان باش وزیری ملا حسن آخوند دنیا غزه ده‌گی «شفقت‌سیزلیک و دهشت‌نی» آچیق کوز بیلن کۉزه‌تماقده‌لیگیدن تنقید اېتگن. ملا حسن نینگ دنیاسی افغانستان خلقی کوتگن دنیا بیلن انچه فاصله‌سی بارلیگیدن درک بېره‌دی. افغانستان خلقی نینگ امید قیلگن دنیاسی انسان حقلر حامیسی هر ییر جمله دن افغانستانده هم بار؛ لېکن ملا حسن و ملا هبت‌الله فلسطین خلقینی بشر و حقلی بیله‌دی. دنیا نینگ هر بورچه‌گیده ظلم و قییناق آستیده بولگن خلق قۉللب-قوتلنیشینی اېسته‌یدیلر. بیراق افغانستان خلقی نه بشر و نهم انسان حقلری گه اېگه. بو ییرده دنیا نینگ طالبان تامانیدن عیاللر، آزچیلیک اېلتلر و سابق حربی‌لر قییناق‌لنیشی گه قرشی‌لیک کورسه‌تیشی ایچکی ایشلری گه اره‌لشیش عنوان قیله‌دیلر و ذبیح‌الله مجاهد نی دنیا نینگ اۉزلری ایچکی ایش گه اره‌لشیش اته‌گن ایشلری گه اره‌لمشلیک اوچون تریبون اوله‌راق یوللـه‌یدیلر.
افغانستان خلقی میه‌لریده قورگن و طالبان اۉزلری اوچون خلق قیلگن نرسه‌لردن باشقه، حقیقی دنیا هم بار. بو حقیقی دنیا سیاسی، اقتصادی منفعت‌لری بولگن مملکت‌لردن شکللنگن. بو مملکتلر اقتصادی و سیاسی منفعت‌لری گه ضرر اېتمه‌گونچه انسان حقلری، دموکراسی و آزادلیک نی قۉللب-قوتله‌یدیلر. بو ارزش‌لرنی قۉللب-قوتلش اوچون اولر نینگ منفعتی ضرر کورسه، اولر باشقه بو ارزش‌لر گه اعتبار بیرمه‌یدی. شونده‌ی که امریکا و متحدلری افغانستان و برچه آست قورمه‌لرینی طالبان گه تاپشیریب و بو مملکت نی ترک قیلدیلر. بو حقیقی دنیا، افغانستان خلقی میه‌لری گه قورگن و طالبان نینگ میه‌لری بیلن انچه فرقلی دیر. بو دنیا یریم سنه دن آرتیق دن بیری فلسطین ماجراسینی کوزه‌تیب و مساله نی حل قیلمه‌گن، افغانستان مساله‌سینی هم هېچ بولمسه یریم قرن حل قیلمه‌ی و کوزه‌تگن. حلی اوچون اقدام قیلگن بولسه هم، بیر آز دن سۉنگ آرتگه چېکینگن. اېندی شو دنیا افغانستان خلقی نینگ مخاطبی دیر؛ عیاللر حرکتی، سیاسی آقیم‌لر، حربی جبهه‌لر، آچ اهالی و هکذالرنی قیچقریب و قۉللب-قوتلشنی ادعا قیله دیگنلر.
سۉنگی ایکّی یریم ییل ایچیده افغانستان خلقی طالبان گروهی بیلن تعامل قیلیش گه توسیق بولگن حقیقی دنیا، عکسینچه بو گروه گه یقینلشگن. اوشبو حقیقی دنیا افغانستان خلقی نینگ کوره‌شی و طالبان مصلحت‌لریدن قرضدار اېمس. بو دنیا افغانستان خلقی کوتگندن هم انچه فرقلی دیر. افغانستان خلقی نینگ اېستک‌لری گه اعتبار بیرمه‌ی و اولر نینگ طالبان قییناق‌لریدن قوتقرمه‌یدی یا که طالبان نینگ تینچ اهالینی جبری کوچیریش گه توسیق بولمه‌یدی، فلسطین خلقی گه خوددی شونده‌ی اقدام قیلیشی ممکن.
