طالبان: طبیعی آفتلر عاقبتیده ۶۷۹ کیشی جان بېردی
۸صبح، کابل: طالبان‌نینگ طبیعی آفتلرگه قرشی کوره‌ش باشقرمه‌سی معلوم قیلیشیچه، اۉتگن بیر ییل دوامیده افغانستانده طبیعی آفتلر عاقبتیده ۶۷۹ کیشی جان بېرگن.
طالبان‌نینگ اوشبو باشقرمه‌سی سۉزلاوچیسی، محمد یوسف حماد، طبیعی آفتلر خوفینی کمه‌یتیریش خلق‌ارا کونی مناسبتی بیلن شو مدت ایچیده ینه ۱ مینگ ۶۳۴ کیشی جراحتلنگنینی اَیتگن.
اونینگ اَیتیشیچه، ۴ مینگ ۴۷۰ ته اوی تۉلیق، ینه ۱۷ مینگ ۶۶۴ ته اوی اېسه قسماً ویران بۉلگن.
طبیعی آفتلر خوفینی کمه‌یتیریش خلق‌ارا کونی هر ییلی ۱۳-اکتوبرده جماعتچیلیک خبردارلیگینی آشیریش و جمعیتلر‌نینگ طبیعی آفتلرگه قرشی تیّارگرلیگینی کوچه‌یتیریش مقصدیده نشانلنه‌دی.
بیرلشگن ملتلر تشکیلاتی باش مجمع‌سی اوشبو کوننی ۱۹۸۹-ییلده رسماً تن آلگن و ۲۰۰۹-ییلده ۱۳-اکتوبرنی اونی نشانلش‌نینگ رسمی سنه‌سی اېتیب بېلگیله‌گن.
