قیرغیزستان اروپا‌نینگ افغانستان و افریقا مهاجرلری حقیده‌گی تکلیفینی رد اېتدی
۸صبح، کابل: قیرغیزستان تشقی ایشلر وزیری جین‌بیک کولوبایف اوشبو مملکت اروپا دولتلریدن بیری‌نینگ افغانستان و افریقا مهاجرلرینی قبول قیلیش عوضیگه قیرقیزستان وطنداشلری اوچون محنت قیلیش امکانیتلرینی یره‌تیش حقیدگی تکلیفینی رد اېتگنینی معلوم قیلدی.
قیرغیزستان یېتکرمه‌لری سه‌شنبه کونی ۲۱-میزان، خبر بېریشیچه، کولوبایف بو حقده مملکت پارلمانی‌نینگ خلق‌ارا ایشلر، مدافعه، خوفسیزلیک و مهاجرت کمیته‌سی ییغیلیشیده معلوم قیلگن.
اونینگ قۉشیمچه قیلیشیچه، اروپا دولتی‌نینگ بندلیک مسأله‌سی بۉییچه کېلیشووگه اېریشیش اوچون تکلیف قیلگن شرطلری تۉغری اېمس و قیرغیزستان حکومتی بو باره‌ده مذاکره آلیب باریشنی رېجه‌لشتیرمه‌یپتی.
کولوبایف قیرغیزستان حکومتی مملکت وطنداشلری‌نینگ خارجده ایشلشیگه قرشی اېمسلیگینی تأکیدله‌گن. بیراق مملکت ایچیده ایشچی کوچی یېتیشمسلیگی سببلی وطنداشلر‌نینگ خارجده ایشگه جایلشیشیگه یاردم‌لشیشگه قره‌تیلگن دولت دستورلرینی قیسقرتیرگن.
