ترمپ: ایران هېچ قچان هسته‌ای قورالگه اېگه بۉلمه‌یدی
امریکا قۉشمه ایالتلری جمهور باشلیغی دونالد ترمپ، ایران هېچ قچان هسته‌ای قورالگه اېگه بۉلیشیگه رخصت بېریلمسلیگینی ایتدی.
ترمپ سه‌شنبه آقشمی، ۲۸- اپریل، آق اویده بریتانیا قیرالی چارلز نی کوتیب آلیش مقصدیده بۉلگن رسمی ضیافتده نطق سۉزلب، بو فکرلرنی بیلدیردی.
ترمپ ایتیشیچه، اونینگ حکومتی حاضرده یقین شرق مسأله‌لری اوستیده ایشله‌ماقده و وضعیت اونینگ سۉزلریگه کۉره «یخشی کېتماقده».
ترمپ قۉشیمچه قیلدی: «بیز حربی جهتدن او تاماننی [ایراننی] مغلوب اېتدیک و هېچ قچان اونینگ هسته‌ای قورالگه اېگه بۉلیشیگه یۉل قۉیمه‌یمیز».
امریکا جمهور باشلیغی شونینگدېک، قیرال چارلز هم بو سیاست‌نی قۉللب-قوّتلشینی ایتدی.
بو بیاناتلر ایران و امریکا قۉشمه ایالتلری اۉرته‌سیده‌گی کېسکینلیکلر دوام اېته‌یاتگن و ایران‌نینگ هسته‌ای دستوری یوزه‌سیدن خواطرلر آرتیب باره‌یاتگن بیر پیتده ینگره‌ماقده.
