ترمپ: امریکا و ایران ۳-اگوست‌دن مذاکره‌لرنی قیته باشله‌یدی
امریکا جمهور باشلیغی دونالد ترمپ، امریکا قۉشمه ایالتلری و ایران ۳-اگوست‌دن باشلب اۉز-ارا مذاکره‌لرنی قیته باشلشینی اعلان قیلدی.
ترمپ یک‌شنبه کونی، ۲ اگست، امریکا، سعودی عربستان، قطر، بیرلشگن عرب امیرلیکلری و ایران‌نینگ التماسیگه کۉره ایرانگه قرشی «کېنگ کۉلملی هجوم»نی عملگه آشیریشدن واز کېچگنینی و بو‌نینگ اۉرنیگه مذاکره‌لر یۉلینی تنله‌گنینی اَیتدی.
او شونده‌ی دېدی: «بو مذاکره‌لر اېرته‌گه توشدن کېین باشلنه‌دی و نیمه بۉلیشینی کۉره‌میز.»
ترمپ‌نینگ سۉزلریگه کۉره، هجومنی عملگه آشیریش اوچون برچه تیّارگرلیکلر یکونلنگن اېدی، بیراق امریکا‌نینگ اتفاقچیلری کېلیشووگه اېریشیش امکانیتی بار، دېگن ایشانچ بیلن هجومنی تۉخته‌تیشنی سۉره‌گن.
امریکا جمهور باشلیغی شونینگدېک، هرمز بۉغازی بۉییچه کېلیشووگه اېریشیلگنینی و مذاکره‌لر‌نینگ کېینگی باسقیچی ایران‌نینگ هسته‌ی دستوری مسأله‌سیگه بغیشلنیشینی دعوا قیلدی.
بیراق، فارس اخبارات آژانسی ایران مذاکره‌چیلر جماعه‌سیده‌گی بیر منبعگه تیه‌نیب خبر بېریشیچه، هرمز بۉغازیده کېمه‌لر قتناوینی قَیته تیکلش بۉییچه هېچ قنده‌ی کېلیشووگه اېریشیلمه‌گن و بو باره‌ده ترقه‌لگن خبرلر حقیقتگه تۉغری کېلمه‌یدی.
